1151 Frater W(ibaldus) Dei gratia Corbeiensis abbas H(einrico) 'priori et ceteris Corbeiensis ecclesiae fratribus et filiis benedi- ctionem et vitam usque in seculum.

Quod tanti et tam enormes defectus tempore hoc in aecclesia Corbeiensi contingunt, precordialiter Deo teste dolemus; set, magno rerum turbine deprehensi, nullum effectum bonae volun- tatis nostrae operibus demonstrare valemus. Set unum in tantis malis nostrae miseriae solatium divina pietas providit, quod vos haec incommoda tam inordinata, tam inaudita, quae nunquam antehac Corbeiensi ecclesiae accidisse credimus, patienter et equo animo supportatis, neque absentiam nostram, quae vestris utili- tatibus officere putatur, acerbo reprehensionis verbo fatigatis. In quo nostram sollicitudinem artissima vobis caritate obnoxiam ita devincitis, ut nullus de cetero labor sit, nulla iniuria, quam pro vestra dilectione et communi iusticia subire et ferre pro viribus recusemus. Ceterum, fratres karissimi, reditum nostrum

WIBALDI EPISTOLAE 330. 331. 461

ad vos accelerare prohibet non solum Stabulensis ecclesiae verum 1151

T Haio ©.

etiam totius Lotharingiae concussio et eversio, quae utique nostra patria est, quae nos genuit educavit et provexit; quam, prohi- bente domino nostro rege ac multis principibus regni, deserere et ad vos tam animo quam corpore migrare, non est nobis con- cessum, quamvis extremae impietatis non" esset, parentem in tantis cruciatibus positam abhorrere et fugere. Ad cuius1 pacem re- formandam ultra facultatis nostrae captum sex fere septimanis, quibus cum domino nostro rege fuimus*, ardenter institimus; set, peccatis facientibus et cuncta in pravum trahentibus, nichil proficere potuimus. Verumtamen si in his proximis decem diebus* nulla pax vel finitiva vel per inducias intercesserit, de totius terrae* salute desperandum erit. Attamen modis quibuscunque poterimus efficere conabimur, ut non longe post festum Barnabae apostoli5 aut ipsi ad vos transeamus aut tales nuncios dirigamus, qui vestris oportunitatibus certo possint providere consilio; cum non ignoret vestra eruditio, quam difficile sit hoc tempore, et nostrae domui, quae ultra claustralem modum sumptuosa est, et toti monasterio providere. Interim caritati vestrae iniungimus, ut studio prioris vestri et fratris A(delberti) camerarii vestri sic omnia pro tempore ordinentur, ut et fratribus non desint ali- menta nec divina inter vos cessent obsequia.