W(ibaldus) Dei gratia Corbeiensis abbas fratri Waltario, 1149 concipere spiritum timoris Domini, parturire humilitatem, parere obedientiam.

Multa sepe et gravia de tua conversatione ad nos refe- runtur tam a fratribus, cum quibus habitas, quam a laicis ho- nestis; qui dolent, nomen Dei propter te blasphemari inter secu- lares nostramque personam ledi et Corbeiense monasterium in- famari et totum monachorum ordinem per te vilem fieri. Super quo frequenter a nobis affectione paterna commonitus, resipiscere nequaquam voluisti, set, retribuens mala pro bonis, sterilitatem animae nostrae1, maledicta et execrationes tuis correctoribus rependis. Audivimus enim de te rem insaniae iunctam, immo vero sacrilegio et detestatione plenam, quod videlicet, cotidiano desperationis furore accensus, missam de sancta trinitate sine intermissione celebres sub hoc cecatae mentis proposito, ut tam nostra persona quam tuus prepositus per hoc tam in temporali" prosperitate quam in corporum nostrorum valitudine acerbius ledamur. 0 hominem omni lacrimarum imbre deflendum, qui de fide perfidiam facit, de pietate sacrilegium, de religione ydola- triam. Summa illa et gloriosa atque ineffabilis trinitas, a qui- bus digne et laudabiliter invocatur, ad se ipsam obtinendam et habendam invocatur, ut eius visione perfruantur, qui invocant nomen eius, et ab illa inter mundi huius adversa et prospera gubernentur, a qua se recognoscunt conditos et a morte sempi-

a. tempfali c.

1. Ps. 34,12: „Retribuebant mihi mala pro bonis: sterilitatem animae meae1'.

294 WIBALDI EPISTOLA 173.

1149 terna per Iesum Christum liberatos. Hoc nomen invocetur super nos, quod non perdit innoxios nec salvat nocentes; invocetur, inquam, non obdurati cordis et infidelis oris alloquio set inno- centiae et puritatis obsequio. Preterea non dissimilem impie- tatis errorem incurrisse argueris, in eo scilicet, quod mercatorem quendam, secularibus tibi et prohibitis commerciis socium et ami- cum, anathematizaveris. Soles enim, tractatis recenter vivificis sacramentis, extra aecclesiam in cimiterium fratrum exire, ut inde possis oppidum Horenhusen, quod in valle situm est, despi- cere et, contemplata domo tui sodalis, ipsum et uxorem ac libe- ros excommunicare. Quis te constituit principem populi? Cum ad presbiterii gradum ascendisti, potestatem accepisti conse- crandi corpus et sanguinem Domini, non potestatem ligandi atque solvendi. Hanc potestatem accepit aecclesia catholica cum beato Petro, set non est diffusa in omnes, qui sacerdotali officio fun- guntur, set eis tantum collata, qui ad curae spiritualis ammi- nistrationem eliguntur. Nonne cum talia agis, Balaam prophetae recordaris, qui ad maledicendum populo Dei ascendit in montem, et cecatus avariciae tenebris, tociens prohibitus, dum pertina- citer maledicere desiderat, copiosae benedictionis munus cum gratia prophetae" contulit? Sic benedicitis, cum maledicere pu- tatis; et convertitur in vos maledictio, et transit ad proximum benedictio. Vidimus in quibusdam illud psalmistae impletum: Priusquam humiliarer, ego deliquV; et quos lascivientis lubricum carnis evertebat, facti subiectiores et ad omnem obsequii et pa- tientiae cultum promptiores, recompensabant modeste serviendo et mores aliorum sustinendo, quicquid dispendii lapsu carnis commiserant. Tu non audis David dicentem: Nolite fieri sicut equus et mulus*. Set peccatum tuum ut Sodoma predicas et non abscondis5 et, quod pessimum est, mentiendo iurando et dete- stando fratrum animos offendis. Diceris etiam quosdam ca- racteres habere, et illos ad quedam prestigia et diabolicas incan- tationes atque usus improbos conscribere, quibus ne gentilium

a. iPp«f c

1. Ps. 118, 67. 2. Ps. 31, 9. 3. Isai. 3, 9.

WIBALDI EPISTOLAE 173. 174. 205

quidem ullus doctus et honestus fidem accommodare voluit. Cum 1149 ad cognoscendum haec et alia quedam, super quibus in te et nos tota clamat provincia, secundum priorem monasterii nostri, fratrem videlicet Isiconem, Ersborch misissemus, fratres omnes tam illiterati quam litterati, sorores Deo dicatae et reliqua cellae familia concors contra te tulerunt testimonium; set tu impu- dentia, qua omnes vincis, cunctis resistebas, non vera dicendo, set singulis conviciando. Et nunc, quoniam clamor tuus cotidie ascendit, per verbum sanctae obedientiae tibi precipimus, ut ab altaris et missae officio abstineas et ut de quatuor parietibus claustri passum pedis non exeas et cum laicis et secularibus per- sonis colloquium per te vel per submissam personam non habeas, donec, obedientia et humilitate tua cognita, quid agendum sit, Deo auctore provideamus. Quodsi nostri mandati, quod ex communi fratrum sententia tibi" iniungimus, contemptor et prevaricator extiteris, scias pro certo, omnem cellae illius1 habitationem et red- itum ad nos vel monasterii nostri domicilia tibib penitus interdici.