1150 ex. - Reverentissimo in Christo patri suo et domino W(ibaldo)

1151 ">• venerabili Stabulensi abbati H(enricus), quicquid patri filius.

Licet, pater amantissime, multiplices querelae et cotidianae vexationes pauperum nostrorum ita cor et animam meam ama- ritudinibus repleverint, ut vix alia verba, quam ve et ve in mente habeam, tamen pietatis vestrae sinceritati pauca scribere curavi, non quo eruditionem vestram aut animum semper pro- vidum, semper alta sapientem, instruere intendam, set ut solita simplicitate filialem devotionem patri karissimo semper exhibeam. Pretermittens itaque omnium questionum propositiones et argu- mentorum conclusiones, quae de scio et nescio contracte sunt1, quantum capacitatis mee intelligere potest tarditas, non ordo poscit, non regula docet, non obedientia precipit, non ius aut lex demonstrat, ut pater filios obedientes abdicet, ut mater filiis tempore necessitatis ubera subtrahat, ut bonus pastor oves con- gregatas alienis male dissipandas relinquat. Neque enim est contra salutem animarum sive contra dilectionem Dei et proximi

a. dethjahere c.

1. V. epp. 313 et 315 supra p. 442 et 444.

WIBALDI EPISTOLAE 317. 818. 447

seu alienum a desiderio coelestis patriae, preesse et providere 1150 ex. - filiis, diligere et regere aecclesiam, quam vobis commissam esse scitis; quae etsi modo peccatis exigentibus flagellatur, potens est liberare eam Deus, qui locum, in quo sita est, ad serviendum sibi elegit ante secula. Quare, pater karissime, paupertate eccle- siae nostrae, quae vos a prima fere etate nutrivit aluit et pro- movit, contentus", eam nequaquam deseratis; quia hoc secundum hominum iustam estimationem et vera iudicia longe esset a pa- terna caritate, et secundum Deum, secundum apostolum, secun- dum christianam doctrinam alienum esset ab omni religionis pietate. Ceterum, quare ad consilium fratrum laici non sunt admissi, ex litteris conventus plenius intelligetis. Nequaquam archana consilii nostri cum his participare volumus, qui semper contra nos sunt, qui semper nostra et vestra violenter diripiunt. Quod ergo ab aecclesia vestra ex consilio actum est, sincere factum esse, paternitatis vestrae intelligat prudentia.