In nomine sanctae et individuae trinitatis. Cuonradus di- 1151 vina favente clementia Romanorum rex secundus. Ad impe- rialem munificentiam pertinet, bene de re publica merentibus premia rependere et ceteris, ad famulatum" imperii surgentibus, eos in exemplum aut bonae spei signum collocare. Quocirca noverit fidelium nostrorum tam futurae quam presentis etatis industria, quod interventu dilecti ac fidelis nostri Wibaldi abbatis, qui nunc Deo auctore Stabulensi et Corbeiensi monasterio preest, privilegia Walciodorensis monasterii, in quo predictus abbas sanctum religionis habitum suscepit1 et iuxta regulam beati Be- nedicti et sanctorum patrum instituta professionem fecit, recitari et exponi iussimus. In quibus scriptum continebatur, quod vir quondam illustris Eilbertus comes in proprio hereditatis suae fundo monasterium secundum regulam et ordinem monachorum in pago Lummensi construxit et de suo iure ac proprietate in ius et dominationem regiam cessit et transegit. Quod monaste- rium cum omnibus appendiciis suis imperator Otto primus, cui a prefato comite, suo utique consanguineo, donatum fuerat, con- tulit Metensi aecclesiae per manum Deoderici venerabilis Metensis episcopi, hac scilicet interposita rationis observantia, ut idem pontifex quendam locum Hasteriam nomine, olim a sanctissimo predecessore suo Adelberone antistite ex proprio hereditatis iure sancto prothomartiri Stephano in Metensi aecclesia delegatum, supradicto cenobio gratia solaminis copularet, et quoniam proxima

a. asfamulatum c.

1. V. ep. 290 supra p. 417 n. 2.

458 WIBALDI EPISTOLA 328.

1151 vicinitate iunguntur, etiam sub unius ditione ordinationeque ab- batis eadem prefata loca, Walciodorum videlicet atque Hasteria, indissolubili vinculo necterentur. Quae constitutio, tam a divae recordationis prenominato augusto per venerandae sanctionis pa- ginam roborata quam apostolicis decretis per sanctissimum Be- nedictum papam confirmata, usque ad nostra tempora immobilis permansit et inconvulsa; licet alterius loci monachis, id est Ha- steriensibus, studium semper fuerit, prerogative Walciodorensis cenobii obsistere et abbatum suorum ordinationibus temeraria presumtione resistere. Quae insolentia usque adeo stultis cona- tibus excrescere ausa est, ut sese a conexione et subiectione Wal- ciodorensis cenobii et venerabilis Teoderici eiusdem loci abbatis abrumpere conati sint, donec iudicio curiae nostrae, legibus et ratione subnixo, compressi sunt et ad unitatem et obedientiam revocati. Auctoritate igitur in perpetuum valitura decernimus, ut Hasteriensis locus, Walciodorensi monasterio contraditus et conexus, eidem semper cenobio subdatur, sicut cella vel prepo- situra vel, quocumque nomine dicatur, aliquod inferius suo supe- riori debet adiacere. Et decedente eo, qui nunc ibi Deo pre- stante regulariter preest, T(eoderico) abbate, suisque successoribus in perpetuum regulariter ordinandis, Hasterienses monachi con- veniant Walciodorum, tam ad exequias defuncti abbatis devote peragendas quam ad electionem futuri pastoris disciplinate et concorditer celebrandam; hoc videlicet discretionis tenore, nt primus assensus, prima vox, prima denominatio penes Walcio- dorensium constet arbitrium, et de ipsorum cetu persona, si fuerit idonea inventa, absque contradictione Hasteriensium eligatur. Quodsi ibi forte reperiri non poterit, atque in Hasteriensi aec- clesia persona conveniens inventa fuerit, de ipsis potius quam de alio monasterio prelatus assumatur. Et ut hec constitutio rata et immobilis per cuncta successura tempora permaneat, pre- sens preceptum conscribi mandavimus, nostraeque' signo ima- ginis impresso, testes, qui actioni et iudicio interfuerunt, subter notari iussimus. Arnoldus Coloniensis aecclesiae electus, nostrae

a. nostroque c.

WIBALDI EPISTOLAE 328. 329. 459

curiae cancellarius, Heinricus Leodiensis episcopns, Otto frater 1151 noster Frisingensis episcopus, Warnerus Monasteriensis episcopus, Philippus Osebrugensis episcopus, Albertus Missinensis episco- pus, Herimannus Traiectensis electus, Wibaldus Stabulensis et Corbeiensis abbas, Lambertus Werdenensis abbas, Adolfus comes de Montibus, Heinricus comes de Gelra, God(efridus) et Her- mannus fratres de Kuic, Marquardus de Gruenbach, Albertus de Druendinga.

Signum domni Cuonradi secundi Romanorum regis in- victissimi.

Actum in palatio Noviomagi anno dominicae incarnationis 1151, indictione 13, 16 Kalendas Iunii, regnante domno Cuon- rado Romanorum rege secundo, anno regni sui 14, in Christo feliciter amen.

Ego Arnoldus cancellarius vice Heinrici Moguntini archi- episcopi et archicancellarii recognovi.