Reverendo patri suo et domino H(illino) sanctae Treverensis 1152 aecclesiae venerabili archiepiscopo frater W(ibaldus) Dei gratia id, quod est in aecclesia catholica, exiguas orationes et devotum servitium.

a. intellig. c.

1. de quo cf. ep. 91 supra p. 164 n. 2. 2. V. ep. 391 supra p. 522. 3. Friderici regis. 4. Luc. 22, 32. 5. Suspirium hoc clare loquitur.

itm. Bibliotheca I. 34

530 WIBALDI EPISTOLAE 397. 398.

1152 Confidimus de vestrae benignitatis eruditione, quod fami- liaris caritas, quae hactenus inter nos vicissitudine obsequiorum succreverat, propter celsitudinis vestrae provectus inminui non debeat: quoniam, si experientiae regulam tenemus, quam sub prelationis sarcina in labore hominum conversati et cum homi- nibus flagellati1 iam antea didicimus, tanto erunt sollertiae vestrae viri fidei ac constantie, qui vos non vestra diligant, cariores, quanto possunt in tota generis humani multitudine inveniri ra- riores. In quorum paucitate nos, qui nec fallere debemus nec falli volumus, integro benivolentiae studio annumerati, plurimum in Domino gratulamur de tam gloriosa personae vestre promo- tione; cui a propitia divinitate concessum est, ut antiquissimae ac nobilissimae civitati, quae totius Galliae Belgicae caput ac metropolis esse dinoscitur, possitis tam prodesse quam preesse. Ad vestrae igitur dignitatis suffragium prompta devotione offe- rimus, quicquid illud est, quod in aecclesia sua Deus nos esse vel dici vel posse voluit; optantes, ut absque prosperitatis vestrae detrimento vobis oportunum fiat, quo dilectionis nostrae ac fidei evidens experimentum capiatis. Cum vero a partibus Saxo- niae versus Lotharingiam proxime retransire poterimus, etiam corporali presentia vestram beatitudinem visitare et salutare de- sideramus. Interim commendamus dulcedini vestrae fratres nostros Corbeienses, qui sunt apud Liciacum, et omnes res no- stras, tam Corbeiensis monasterii quam Stabulensis, quae iu vestro episcopatu sitae sunt, quatinus pro nostrae dilectionis in- tuitu in vestrae protectionis defensionem eas assumere dignemini.