Monumenta Corbeiensia, Nr. 308, S. 466
Monumenta Corbeiensia, Nr. 308, S. 466
1151 Reverentissimo patri suo et domino E(ugenio) sanctae catho- licae ecclesiae uni et universali papae frater W(ibaldus) Dei et vestra gratia id, quod est in ecclesia catholica, dilectionem filii et obsequium servi.
Lator presentium in ecclesia quadam Mindensis episcopatus canonica sua per violentiam, ut ipse conqueritur, spoliatus est; cui ante appellationem suffragium reconciliationis conferre conati fuimus1. In quo cum nequaquam proficeret, tandem vestrae celsitudinis presentiam appellavit et suos adversarios determi- nata die, ibidem auctoritate vestra invitavit. Unde sublimitatis vestrae pedibus animo devote advoluti, clementiam vestram, quantum nostrae parvitati conceditur, humiliter imploramus, ut causam ipsius pie audire dignemini et ad sublevandas ipsius oppressiones manum benignissimae defensionis extendere. Pa- ternitatem vestram diu custodiat omnipotens Dominus.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}