1157 W(ichmannus) Dei gratia id, quod est in aecclesia Magde- Utt'in' burgensi, dilecto in Christo fratri W(ibaldo) venerabili Corbeiensi"

abbati orationis atque servicii affectuosam exhibitionem.

Super negotio vestro quid nobis a domno papa sit iniunctnm, domno Osenbruggensi significavimus1. Locum ei in Mersburg, diem quoque 10 Kalendas Februarii denotavimus. Nullum vero aliud responsum ab ipso adhuc accepimus, preter quod, nuntio nostro attestante, aiebat: se potius velle episcopatum dimittere, quam decimas illas, quas aecclesia sua sexaginta et amplius annis quiete possedit, sui episcopatus tempore perdere. Per eundem tamen nuntium verbis et non scripto mandavit: se nobis omnem, quam deceat, reverentiam libenter exhibere; super hoc autem verbo totius aecclesiae suae tam cleri quam populi consilium se velle habere, ipsumque consilium per honestas et maiores eiusdem aec- clesiae personas nobis usque ad epiphaniam* ostendere. Unde, omnibus aliis omissis, unum hoc fraternitatib vestrae responde- mus, quod, vitae nobis incolumitate servata, 10 Kal. Februarii — ita enim ex consilio ordinavimus — in loco condicto erimus et, sive domnus Osenbruggensis veniat sive non, secundum consilium fratrum et coepiscoporum nostrorum debita iusticia, quantum in nobis erit, desiderium vestrum non fraudabimus. Exemplum lit- terarum, quod petivistis, misimus; aliud non accepimus.

a. CorbeiensU c. b. fraternitate c.

1. ep. 444 supra p. 576. 2. 1157 Ian. 6.

WIBALDI EPISTOLA 451. 583