Stanislaus Decretorum Doctor, Canonicus Cracoviensis ac Vicarius in spiritua- libus per reverendum in Christo patrem et dominum, dominum Sbigneum Dei gratia Episcopum Cracoviensem in absentia venerabilis viri domini Andreae Mischka Ar- chidiaconi et Officialis Cracoviensis specialiter deputatus, significamus tenore prae- sentium illi vel illis, ad quem vel ad quos praesentes pervenerint, vel qui praesen tibus fuerint requisiti, salutem in Domino. Vacante praebenda capellae Sancti Adal berti in circulo Cracoviensi, per liberam resignationem honorabilis viri Magistri Iohannis de Radochonicze ad Sanctum Florianum in Cleparz Canonici, Ultimi et immediati dictae praebendae possessoris. in manibus nostris factam et per nos ad- missam, cuius collatio ad venerabiles viros dominos Doctores et Magistros collegia- tos almae Universitatis studii Cracoviensis dinoscitur pertinere: ideo ad praesen- tationem praedictorum dominorum Doctorum et Magistrorum praefatae Universitatis Cracoviensis, ad hoc nostro consensu tamquam membro praelibatae Universitatis accedente, honorabilem virum Magistrum Vincencium de Brega membrum Univer sitatis eiusdem ad dictam praebendam ac eius fructuum, redituum et proventuum pos sessionem per manus nostrae capiti suo impositionem investivimus ac tenore prae- sentium investimus, curam et administrationem spiritualium ac temporalium cum aliis cerimoniis in talibus fieri consuetis eidem committentes, mandantes illi vel illis, ad quos pertinet, in virtute sanctae obedientiae et sub poena excommunicationis, quate

nus praefatum Magistrum Vincencium in possessionem corporalem et realem ipsius praebendae ac eius fructuum, redituum et proventuum, aut ipsius procuratorem le- gitimum inducatis. Mandantes nihilominus eisdem quibus interest, auctoritate no stra sub poenis suprascriptis, omnibus et singulis censuariis et redituariis, quatenus praefato Magistro Vincencio aut ipsius procuratori legitimo de omnibus et singulis fructibus, reditibus et proventibus ad dictam suam praebendam spectantibus integre respondeant, et ab aliis quantum in eis est, faciant responder! Actum et datum Cracoviae, die xiij. mensis Augusti, Anno Domini Millesimo Quadringentesimo vi cesimo sexto, nostro sigillo praesentibus subappenso. Praesentibus ibidem Marco Petri de Kaczeer Studente almae Universitatis Cracoviensis, Thoma Iohannis de Wrzeszna clericis, Iohanne Michaelis de Dzerschin laico Gneznensis, Cracoviensis et Olomuncensis diocesum, testibus ad praemissa vocatis pariter et rogatis.

(Ex archetypo membranaceo. Sigillum pensile avulsum, restat tantummodo taeniola membranacea. — "Nr. Archiv. Univ. 8979.)