In Nova Chítate Korczyn, Anno 1403, die 2 mensis Augnsti.

In nomine Domini Amen. Ad perpetuam rei memoriam. Wladislaus Dei gratia Rex Poloniae, nec non terrarum Cracoviae, Sandomiriae, Syradiae, Lanciciae, Cuya- viae, Lithwaniaeque Princeps supremus, Pomoraniae, Russiaeque dominus et hae- res etc. significamus universis quibus expedit, praesentibus et futuris, praesentium notitiam habituris: Quomodo pro parte venerabilium virorum dominorum Magistro- im Doctorum ac totius almae Universitatis Studii Cracoviensis nostrae maiestati studiose supplicatum extitit per venerabiles viros dominos Nicolaum de Gorzcow Decretorum Doctorem, Decanum Sancti Floriani, Canonicum et Officialem Craco viensem et Budislaum Magistrum in Artibus, Canonicum Wisliciensem, nobis sin cere dilectos, quatinus literas strenuorum virorum Michaelis Iudicis et Dobeslai Subiudicis terrae nostrae Cracoviensis fidelium dilectorum, de nostrae celsitudinis opulenta plenitudine confirmare, approbare, ratificare et gratificare velimus: quanun quidem literarum unius, primae videlicet tenor sequitur continuo in haec verba:

„Xos Michael Iudex etc. Vide Nr. XXVI.

Alterius vero, scilicet secundae pari modo sequitur et est talis:

„Nos Michael Iudex etc. Vide Nr. XXIX.

Nos autem huiusmodi praedictorum Magistrorum, Doctorum ac totius Universi- tatis dicti Cracoviensis Studii iustis et rationabilibus supplicationibus gratam et fa- vorabilem audientiam exhibentes, supradictasque literas ratas habentes et gratas, ip- sas confirmamus, approbamus, ratificamus et gratificamus, decernentes eas in omni bus et singulis ipsarum punctis, clausulis, conditionibus et articulis robur obtinere perpetuae firmitatis; constituentes nihilominus supradictos Magistros, Doctores ac totam Universitatem Studii Cracoviensis praedicti, memoratae domus et domicularum praedictarum cum earum omnibus et singulis pertinentiis, obventionibus, spectanciis et appendiis universis, quibuscunque vocabulis potiantur, veros et legitimos haeredes et dominos ac perpetuos possessores. Eximimus insuper, absolvimus et perpetuo libe- ramus eandem domum maiorem simul et cum minoribus ab omni iurisdictione et po- testate omnium regni nostri Poloniae Palatinorum, Castellanorum, Iudicum, Subiu- dicum, Consíllum, Scabinorum, caeterorumque Officialium et Ministerialium eorundem, imo volumus et edicto perpetuo sancimus, ut non solum temporibus nostri felicis re- giminis, sed extunc et in aevum omnibus et singulis libertatibus, iuribus, consuetu- dinibus, emunitatibus, gratiis et indultis dicta domus cum aliis domiculis ad se per- tinentibus gaudeat liberaliter et fruatur, quibus iuribus, libertatibus et indultis do mus in platea Iudaeorum situata, per nos saepedictis Magistris, Doctoribus et Uni- versitati Studii Cracoviensis data liberaliter et donata fruitur et potitur. In quorum omnium testimonium et evidentiam clariorem praesentes literas nostras scribi man- davimus, ipsasque nostri maioris sigilli pendentis munimine iussimus roborari. Actum in Nova Civitate alias Corczyn, in crastino beati Petri ad vincula, Anno Domini Millesimo Quadringentesimo tertio. Praesentibus reverendis in Christo patribus do- minis Petro de Radolyna Doctore Iuris utriusque, Cracoviensi, Alberto Iastrzambecz Posnaniensi Episcopis, nec non magnificis viris dominis armigeris Iohanne de Thar- now Cracoviensi, Iescone Liganza Lanciciensi Palatinis, Iohanne de Thanczyn Cra coviensi et Cristino de Kozeglow Sandecensi Castellanis, ac aliis multis nostris fi- delibus fide dignis. Datum per manus reverendi in Christo patris domini Nicolai de Curow Archiepiscopi Gneznensis nobis sincere dilecti.

Scriptum per Magistrum Budislaum Canonicum Wisliciensem.

(Ex archet3'po membranaceo. Sigillum pensile avulsum, restat tantummodo funiculus ex filis seiicis colons viridis et rosei contextus. — Nr. Archiv. Univ. 5774.)