cultatis in Universitate studii Cracoviensis, cassata obligatione solutionis 100 mar-

carum ad thesaurum regium per eosdem Professoren

In Nova Civitate Korczyn, s. A. (1403) die 21 mensis Septemliris.

In nomine Domini Amen. Ad rei memoriam sempiternam. Wladislaus Dei gra tia Rex Poloniae, nec non terrarum Cracoviae, Sandomiriae, Syradiae, Lanciciae, Cuyaviae, Lithwaniae Princeps supremus, Pomoraniae, Eussiaeque dominus et hae- res, significamus universis, quibus expedit, praesentibus et futuris, praesentium noti- tiam habituris: Quod cum supernae dispensationis provisio, cui consilia non coшпт- nicant aliena, nos ineffabili dignatione de gentilitatis erroribus ad lucem de tenebris, ac sui nominis agnitionem eduxit, misericorditer et mirabiliter vocavit, ac tandem ad regalis dignitatis fastigium et gloriae solium, licet nostris insufflcientibus meritis, gloriosius exaltavit, ad hoc laboriosae meditationis indagine propositorum nostrorum stadia dirigimus, curamque nostrae diligentiae praestantius extendimus, ut quos olim in erroris vetusta caligine constituti socios tenebrarum habuimus, signanter indige nas terrae nostrae Lithuaniae, quos illo volente, qui coelestia simul terrena dirigit, ad assumptionem et integritatem fidei catholicae feliciter attulimus, per assuefactio- nem et exercitium piorum operum, sine quibus ipsa fides vacua fore noscitur et ina- nis, in lucis filios convertamus, horum tamen ope pariter et opera, quorum animos candor aeternae lucis doctrinae et sapientiae plenitudine decoravit in fundamentis videlicet et profunditatibus scripturarum expertorum, quorum ex approbata prudentia consiliis altissimis thalamus roboratur regius, et actibus virtuosis reipublicae stabi- litas semper salubribus proficit incrementis. Sane dulcescebat in auribus nostris cre- brius nobis repetita et diutius inculcata memoria illorum devotissimorum Principum, qui in suarum provinciis regionum Studia Gymnasiorum instaurabant, et vocatione gratuita doctarum personarum defectus et errores patriarum suarum eliminare fun- ditus et evellere satagebant, quorum exemplis clarissimis cor nostrum et animus re- floruit, ac ad executionem votorum pia consideratione suscitatum coepit medullitus aspirare. Videmus equidem et certo certius experimur, qualiter Parisius per convo- cationem et congregationem peritorum et prudentum Franciam irradiat et venustat, Padwa cum Bononia totam Italiam clarificat et exornat, Praga Bohemiam illuminat, extollit, Almaniam Uxonia clarificat et foecundat. Profecto ad hoc summi disposi tion praesidii plurimarum gentium et diffusarum regionum obtinuimus principatum et regni Poloniae praedicti recepimus diadema, ut ipsum regnum doctarum persona rum studiis illustremus, quorum doctrinis ignorantiae coecitate sublata de medio, regnum ipsum in tempore nostri regiminis felicis caeteris regionibus possimus coae- quare. Xon dubitantes id ipsum regni nostri subditis salubriter profuturum, in civi

tate nostra Cracoviensi locum, in quo Studium vigeat generale in qualibet licita facultate, de voluntate, scientia, consensu specialiter et indulto Sanctissimi in Christo patris et domini, domini Bonifacii divina providentia Papae noni Sacrosanctae Ro- manae ac universalis Ecclesiae Summi Pontificis, ipsum Studium benigne per sua- rum bullarum largitionem et concessionem confirmantis, utpote in theologica seu Sacrae Scripturae, Iuris canonici, Phisicae, Legum et Artium liberalium facultat i - bus, nominandum, eligendum, constituendum, ponendum et ordinandum ac erigendum dignum duximus et tenore praesentium facimus et instituimus temporibus perpetuis duraturum. Sitque ibi scientiarum praevalentium margarita, ut viros producat con- silii maturitate conspicuos, virtutum ornatibus redimitos et variae facultatis doctri- nis eruditos; fiatque illic fons doctrinarum irriguus, de cuius plenitudine hauriant universi literalibus cupientes imbui documentis eiusdem Studii generalis, quod in praedicta civitate nostra Cracoviensi, Deo propitio, ad decus, honorem et gloriam nostrae sacrae Coronae Poloniae, sic ut praefertur, fundavimus, ereximus et insti tuimus, incrementa felicia desiderantes ampliare, frequentius et longinquarum incolas regionum ad eius allicere cupientes accessum. Pro cuius quidem Studii firmiori sta- bilimento, ac dilatationem et uberius incrementum, neophytarumque praedictae Li- thuanicae, caeterarumque gentium clariorem salutis illuminationem uberem et perfec- tam, praesertim ad fidei catholicae propagationem, nostrae humanitatis viribus assur- gere et aspirare praecordialius cupientes, Studium generale praedictum ahnae Uni- versitatis Cracoviensis infrascriptorum stipendiis et incorporationibus beneficiorum ad nostram utpote veri patroni collationem, praesentationem etc. pertinentium, singula- rem ad id gerentes pietatis affectum, prout ad hoc ex assumptae dignitatis officio noscimur obligari, de nostra munificientia speciali praehonorando et benignius lar- giendo, dignum duximus consolandum, ut de tanto suae philacteria celsitudinis etiam in exteras nationes per floridam fructuum salutiferorum multiplicationem et Magi- strorum doctorum ac praedicatorum creationem et coelestis prolis foecundam gene- rationem sparsim dilatare et diffundeie possit feliciter et valeat, quo se latioribus beneficiorum et refectionum curialitatibus et munificentiis de nostrae liberalitatis in- timis senserit consolatum. Damus itaque, donamus, conferimus, ascribimus, adiungi- mus et incorporamus perpetuis temporibus affuturis eiusdem Studii generalis Craco viensis Sacrae Theologiae Professoribus, Doctoribus et Magistris ac Universitati, Cancellarias nostras regales tres, duntaxat terrarum nostrarum, videlicet Maioris Po loniae, Lanciciensis, Syradiensis, nec non Iuspatronatus omnium et singulorum be neficiorum, dignitatum, personatuum, officiorum, Canonicatuum et praebendarum ec clesiae Sancti Floriani in suburbio nostrae civitatis Cracoviensis praedictae, Prae- positura tamen et Custodia eiusdem ecclesiae et duabus villis nostris regalibus, quas ad praesens honorabilis dominus Sethegius Cantor "Wisliciensis et Cancellarius Sy radiensis provisionatus noster in hac parte de nostra speciali gratia possidet, dum- taxat exceptis: ita tamen, quod in huiusmodi beneficiis assequendis ille Sacrae Theo logiae Professor, Doctor sive Magister, qui primus existit tempore, sit potior in iure, et qui onus diei et aestus sentiendo pertulit, primus commodum recipiat et ho norem, dummodo eidem promovendo caeterae virtutes ad assequendum huiusmodi be- neficium latius suffragentur. Ipse quoque Sacrae Theologiae Professor, Doctor sive Magister, aliquod de ipsis assecutus beneficiis supradictis, tanquam memor accepti beneficii, ad agendum gratias debitas nobis et successoribus nostris perpetuo tenea

tur. Proviso, quod quamvis in prioribus nostris literis haec clausula fuisset adiecta, quod cum crescentibus in posterum temporibus, memorati Sacrae Theologiae Pro fessor, Doctores sive Magistri in tantum de beneficiis supradictis, Cancellariis, dig- nitatibus, personatibus, officiis, Canonicatibus et praebendis assecuti fuerint, quod valor redituum huiusmodi beneficiorum assecutorum et tunc per eosdem pacifice pos- sessorum, ad centuin marcas et amplius se extenderit, extunc centum marcae, de quibus eisdem Sacrae Theologiae Professoribus, Magistris et Doctoribus alias circa fundationem primariam Studii supradicti per nos provisum extiterat, de quibus etiam centum marcis in aliis uteris nostris desuper datis clarius expressum est atque cau- tum, ad thesaurum nostrum redire volumus integraliter et reverti; eandem tamen clausiüam et omnia in ipsa contenta attendentes, quod vergebat in Universitatis studii praedicti dispendium et exinanitionem eius et eversionem omnimodam et to talem, habemus et haberi volumus pro infecta et infectis, ac ipsam et omnia in ipsa contenta revocamus, cassamus, annullamus et viribus penitus vacuamus, simpliciter et absque ulla limitatione praefatas centum marcas in nostris primaevae fundationis literis contentas, perpetuantes et perpetuis temporibus memoratis Professoribus, Doc toribus et Magistris assignantes. Quas quidem centum marcas, ut praemittitur, in dictis literis nostris primaevae fundationis contentas, simpliciter et prorsus omni conditione semota, praelibatis Professoribus, Doctoribus et Magistris damus, dona- mus, inscribimus, ac perpetuo ac irrevocabiliter assignamus, praedicta clausula pe nitus non obstante. Volumus insuper et omnino decernimus, quod praefati Sacrae Theologiae Professores, Doctores et Magistri, postquam aliquod de beneficiis prae- dictis fuerint, ut praefertur, assecuti, more solito legere et residentiam personalem facere in praedicta Universitate teneantur, sub fide praestiti iuramenti et privatione beneficiorum praedictorum, nisi infirmitate non ficta praepediti aut gravi senio con- fecti dinoscantur. Verum quia Artes sunt aliarum ministrae facultatum, volumus, quod primo centum marcae ex vacatione beneficiorum occurrentes, pro Magistris Ar- tium iuxta priorum formam et modum divisionum principalius deriventur, tandem Sacrae Theologiae Professores, Doctores et Magistri caeteri futurorum consolationes et vocationes beneficiorum stabiliter praestolentur. Et ut omnia praemissa et singula perpetui roboris obtineant ftnnitatem, praesentes literas nostras in fidem et testimonium omnium praemissorum scribi mandavimus, ac nostri maioris sigilli pendentis munimine iussimus roborari. Actum in Nova Civitate alias Corczin, feria tertia infra Octavas Assumptionis Sanctae Mariae. Praesentibus venerabilibus patribus dominis Nicolao Sanctae Gnesnensis ecclesiae Archiepiscopo, Petro Cracoviensi Episcopo, validisque Iohanne de Thanczyn Castellano, Iohanne de Tharnow Palatino Cracoviensibus, Petro Kmythe Sandomiriensi, Iohanne Liganza Lanciciensi Palatinis, Christino de Ostrow Sandomiriensi, Clemente Wisliciensi, Michaele de Bogumilouicze Lublinensi, Christino de Cozeglow Sandeczensi, Nicolao de Michalow Woynicziensi, Imramo Zauichostensi Castellanis, Sbigneo Marschalco Curiae nostrae, Gnewossio Craco viensi et Spithcone Kolczek Sandomiriensi Succamerariis, multisque aliis baronibus nostri consilii, nostris fidelibus. Datum per manus Zaclycze Cancellarii Aulae nostrae.

Ad relationem honorabilis Nicolai Praepositi Sancti Floriani, Vicecancellarii Regni Poloniae.

(Ex archetypo membranaceo, cum sigillo maiestatico maiori, ex alba cera effect», filis sericis coloris flavi, punicei, glauci et coerulei appenso. Sigillum eiusJem typi ac sub Nr. XVI. — Nr. Archiv. Univ. 9513.)