Nos Iohannes haeres de Radochoncze Artium liberalium Magister, Canonicus ecclesiae collegiatae Sancti Floriani extra muros Cracovienses, omnium et singulo- rum bonorum mobilium et immobilium ecclesiae collegiatae Sancti Floriani praedi- ctae procurator generalis, notum fieri volumus quibus expedit universis literas prae- sentes inspecturis: Quomodo cum coram nobis et nostris assessoribus inter Mathiam Sutorem alias vulgariter Swecz nuncupatum actorem ex una, et Iaszkonem dictum Mislek reuní parte ex altera, kmethones nostros de Czaple minori, de et super me dio laneo agrorum ac ipsius occasione in eadem villa nostra Czaple supradicta con sistente orta et ventilata extitisset materia quaestionis: nam dictus Mathias Swecz eundem medium laneum per mortem et obitum patrui sui olim Mathiae Slodiczka de Czaple, qui eundem medium laneum a quodam Stephano genero Mislkonis eme- rat, et resignatione sibi per eundem Stephanum facta, eundem iure emptionis et ven ditions possidebat, ad se tanquam proximiorem devolutum fore et iure proximitatis

spectare et pertinere asserebat, in vimque probationis suae intentionis coram nobis exhibuit et produxit super dictis emptionis, venditionis ac resignationis contractibus literas venerabilis domini Nemerzae tunc Custodis ecclesiae Sancti Floriani praedi- ctae, petens per nos dictum medium laneum adiudicari sententia nostra mediante; praefatus vero Iasko Mislek in dicto laneo agrorum sibi ius similiter competere as serebat et similiter ad probandam suam intentionem et ius suum alias literas prae- fati domini Nemerzae produxit ex adverso: nos itaque unicuique cupientes facere iustitiae complementum, pro tribunali sedentes et solum Deum prae oculis habentes, huiusmodi literis coram nobis productis, in quibus intentiones suas omnes partes fundabant, in continentia et tenore multum dissonis et discrepantibus, visis et perlec- tis et diligenter masticatis, auditisque partibus hinc inde et earum allegationibus examinatis, de nostrorum assessorum et aliorum iurisperitorum consilio decrevimus, difflnivimus et sententionavimus, ac per hanc nostram sententiam diffinimus, senten- tionamus, decernimus et adiudicamus praefato Mathiae Swecz et suis successoribus legitimis praedictum medium laneum agrorum in villa Czaple iure proximitatis post patruum suum Mathiam Slodiczkam spectare et pertinere debere perpetuo, decernen- tes literas et privilegia emptionis et venditionis ac resignationis coram nobis per ipsum Mathiam exhibitas et exhibita, esse et fore in omnibus punctis tenendas et servandas seu tenenda et servanda, literas quoque per praefatum Iaszkonem Mislek exhibitas decrevimus, iudicavimus ac tenore praesentium mediante decernimus et sen- tentionamus esse cassandas et annullandas, et ex nunc ipsas cassamus, annullamus et destruimus, nullumque ius in praefato medio laneo agrorum sibi et suis successori bus declaramus competiisse neque competere debere, sibique et suis posteris super praedicto medio laneo agrorum perpetuum silentium imponimus in aevum duraturum. In cuius rei testimonium sigillum nostrum praesentibus est subappensum. Actum et datum Cracoviae in maiori stuba Magistrorum Collegii Serenissimi Principis et do mini, domini Wladislai Dei gratia Regis Poloniae etc., Anno Domini Millesimo Cua dringentesimo vicesimo octavo, feria tertia infra Octavas Beati Stanislai gloriosi martyris de mense Maii. Praesentibus ibidem nobilibus et circumspectis viris dominis Schegotha de Grzegorzewicze Burgrabio castri Cracoviensis, Petro de Ianicowicze, Petro Broda de Wlyna et Petro de Tarnowo haeredibus, nec non Mikula Gah, Stan- kone filio Kusch et Petro Schak kmethonibus de Czaple, testibus circa praemissa.