Martinus episcopus servus servorum Dei, Venerabili fratri Episcopo Cracoviensi salutem et apostolicam benedictionem. Ex Apostolicae Sedis nobis desuper iniunctae servitutis officio ad ea, per quae personae literarum studio ac exercitio deditae de suis laboribus suscipiant relevamen, libenter intendimus, et ut illa, quae pro ipsarum sustentatione provide gesta comperimus, illibata persistant, partes nostrae solicitudi- nis adhibemus. Dudum siquidem per bonae memoriae Baldassarem Episcopum Tu- sculanum tunc Iohannem ХХШ. in sua obedientia nominatum, accepto quod in civi- tate Cracoviensi ex concessione et dispositione Sedis Apostolicae generale in quali- bet licita facultate vigebat Studium literarum, quod licet per carissimum in Christo filium nostrum Wladislaum Regem Poloniae illustrem pro fidei catholicae incremento et ut Regnum suum Poloniae ac partes illi circumvicinae pro tempore multis viris literatis pollerent, variis foret privilegiis et gratiis communitum: tamen veluti novi- ter tunc institutum pro Magistris, Doctoribus et aliis graduatis, qui in diversis scien- tiis collegialiter legerent, in illo pro tempore de bonis temporalibus saltem sufficien- ter aut competenter provisum non fuerat, ac pro parte dicti Regis eidem Episcopo

tunc Iohanni XXIII. adeffectum, quod huiusmodi Collegium pro tempore floreret spiritua- libus increments, ac viri in eisdem scientiis eruditi ad docendum alios ferventius intende- rent, ac caeteri in eisdem scientiis laborantes ad illas attingendas avidius anhela - rent, supplicato, ut duos Öanonicatus et praebendas ecclesiae Cracoviensis, illos vide licet, quos dilectus filius Iohannes Szaffranecz et quondam Sbigneus Sbignei tunc obtinebant, nec non Sancti Adalberti et Sanctae Mariae Magdalenae Cracovienses capellas sine cura, ac parochialem ecclesiam in Luborzicza Cracoviensis diocesis, ad collationem Episcopi Cracoviensis pro tempore existentis pertinentes, huiusmodi Col- legio in perpetuum unire, annectere et incorporare dignaretur; praefatus Episcopus tunc Iohannes ХХШ. votis ipsius Regis grato concurrens assensu, Canonicatus et praebendas ac capellas et parochialem ecclesiam praedictos cum omnibus iuribus et pertinentiis suis huiusmodi Collegio in perpetuum incorporavit, annexuit et univit, ita quod cedentibus vel decedentibus Iohanne et Sbigneo praefatis, nec non capel- larum et parochialis ecclesiae praedictarum rectoribus, qui tunc erant, aut Canoni catus et praebendas et capellas ac parochialem ecclesiam huiusmodi quomodolibet dimittentibus, liceret eisdem Magistris et Doctoribus collegiatis per se vel alium seu alios corporalem possessionem Canonicatuum et praebendarum ac capellarum et parochialis ecclesiae, iuriumque et pertinentiarum praedictorum, auctoritate propria, cuiuscunque licentia super hoc minime requisita, apprehendere, nec non fructus, redi- tus et proventus ipsonrm in eonmi et huiusmodi Collegii usus sub hac modifica tions perpetuo retinere, videlicet quod quinque Magistri vel Doctores aut Licentiati vel Baccalarii in Theologia aut Iure canonico seu in Artibus Magistri actu legen- tes et regentes in ipso Studio, per caeteros Collegiatos praefato Episcopo pro tem pore existenti ad illos, singuli videlicet eorum ad singulos huiusmodi Canonicatus et praebendas ac capellas et parochialem ecclesiam, quotiens illos vacare continge nt, praesentarentur, et si alias essent idonei, instituerentur in illis, ipsorumque prae- sertim Canonicatuum et praebendarum ac parochialis ecclesiae fructus, reditus et proventus dividerentur in tres partes, quarum unam singuli praesentati et instituti huiusmodi, ex qua ipsi etiam episcopalia iura solvere et alia incumbentia eis onera integre supportare tenerentur, reliquae autem duae partes indivisae Collegiatis an- tedictis cederent in communi, prout in ipsius Baldassaris Episcopi tunc Iohannis XXIII. inde confectis literis plenius continetur. Et subsequenter sicut exhibita no bis nuper pro parte dilectorum flliorum Universitatis et Magistrorum, Doctorum et Scolarium dicti Studii petitio continebat, Collegiati huiusmodi capellam Beatae Ma riae Magdalenae, quam quondam Ieronimus Petri Caldherberg, et parochialem eccle siam, nec non unum ex Canonicatibus et unam ex praebendis huiusmodi, quos prae fatus Sbigneus dum viverent, obtinebant, per ipsorum Ieronimi et Sbignei obitus, qui extra Romanam Curiam diem clauserunt extremum, vacantes incorporationis, unionis et annexionis praedictarum vigore fuerunt pacifice assecuti. Cum autem, si- cut eadem petitio subiungebat, praefati Universitas, Magistri, Doctores ac Scolares dubitent huiusmodi de Canonicatu et praebenda vacantibus, ut praefertur, ac paro- chiali ecclesia, praedictis, ex eo praesertim, quod nos duduin ante assecutiones pel eos de fflis, ut praemittitur, factas, omnes uniones, annexiones et incorporationes de quibusvis beneficiis ecclesiasticis quacunque auctoritate factas, quae nondum fuerant sortitae effectum, duximus revocandas et alias tam de ipsis, quam de capella Sanc tae Mariae Magdalenae praedictis etiam factas unionem, annexionem et incorpora

tionem ac assecutionem antedictas ex certis causis viribus non subsistere, seque propterea posse super eis ac Canonicatu et praebenda ecclesiae Cracoviensis, quos dilecti filii Iohannes Szaffranecz, et capella Sancti Adalberti, quam Thomas Sta- nislai de Lelovia adhuc obtinent, inposterum molestari, et alias, sicut accepimus, praefatus Iohannes Szaffranecz Canonicatum et praebendam praedictos, quos ipse, ut praefertur, obtinet ad effectum, ut Collegiati praedicti huiusmodi subventionis non frustrentur effectu, sponte et libere resignare proponat: pro parte Magistrorum. Doctorum et Scolarium praedictorum fuit nobis humiliter supplicatum, ut pro eius- dem Studii conservation e et augmento in praemissis eorum securitati et quieti opor- tune providere de benignitate apostolica dignaremur. Nos igitur cupientes, ut ubique refloreant studia literarum, ex quibus fructus uberes in Ecclesia Dei colliguntur, ac propterea volentes Collegiatos praedictos favorabiliter prosequi, in hac parte de prae missis tamen certam notitiam non habentes, huiusmodi supplicationibus inclinati, Fraternitati tuae per apostolica scripta committimus et mandamus, quatinus de prae missis omnibus et singulis ac eorum circumstantiis universis auctoritate nostra te diligenter informes, et si per informationem huiusmodi praemissa repereris ita esse, super quo tuam conscientiam oneramus, unionem, annexionem et incorporationem praedictas, nec non huiusmodi assecutionem de Canonicatu et praebenda ac parochiali ecclesia et capella Sanctae Mariae Magdalenae praedictis, quorum omnium fructus, reditus et proventus centum et viginti marcharum argenti puri, secundum commu- nem extimationem, valorem annuum, ut iidem Universitas et Collegiati asserunt, non excedunt, ut praemittitur factas, auctoritate praedicta ratifices, approbes et confir mes , et nihilominus ab eodem Iohanne Szaifranecz vel eius procuratore ad hoc ab eo specialiter constituto resignationem huiusmodi, si illam sponte et libere facere volnerit, hac vice duntaxat auctoritate nostra recipias et admittes, eaque per te re cepta et admissa de fructibus, reditibus et proventibus singulorum Canonicatuum et praebendarum ac parochialis ecclesiae et capellarum praedictorum singulis Colle- giatis, quibus eorum singulos duxeris conferendos, pro se et successoribus eorundem singulas congruas portiones tuo arbitrio moderandas, ex quibus ipsi Collegiati illos pro tempore obtinentes congrue sustentari, huiusmodi episcopalia iura solvere et alia eisdem Canonicatibus et praebendis ac parochiali ecclesiae et capellis incumbentia onera supportare valeant, residuum vero fructuum, redituum et proventuum prae* dictorum huiusmodi Collegio in communi pro ipsorum Collegiatorum necessitatibus supportandis in perpetuum assignare procures, ac singulos Canonicatus et praebendas, nec non parochiales ecclesias et capellas singulis eisdem Collegiatis praesentandis, cum plenitudine iuris canonici ac omnibus iuribus et pertinentiis suis, salvis assig- nationibus residui huiusmodi, eadem auctoritate conferas et assignes, inducens per te vel alium seu alios huiusmodi Collegiatos praesentandos vel eorum procuratores ipsorum nominibus in corporalem possessionem Canonicatuum et praebendarum ac pa rochialis ecclesiae et capellarum eis conferendorum, iuriumque et pertinentiarum praedictorum, et defendens inductos, amotis quibuslibet illicitis detentoribus ab eis dem, ac faciens eundem Collegiatum, cui Canonicatum et praebendam resignandos, ad eandem praebendam in dicta ecclesia Cracoviensi in Canonicum recipi et in fra- trem stallo sibi in choro et loco in Capitulo ipsius ecclesiae cum dicti iuris ple nitudine assignatis; illos vero quibus capellas easdem contuleris, ad illas, ut est moris, admitti, ipsosque Collegiatos eligendos huiusmodi per te eisdem, ut praemit

titur, assignandis congruis portionibus perpetuis futuris temporibus esse contentos, eisque de assignandis portionibus, nec non Collegiatis huiusmodi in communi de re siduo fructuum, redituum et proventuum praedictorum integre responderi, contra dictores auctoritate nostra, appellatione postposita, compescendo. Non obstantibus constitutionibus et ordinationibus apostolicis ac statutis et consuetudinibus dictae ecclesiae Cracoviensis quibuscunque contrariis, iuramento, confirmatione apostolica vel quacunque firmitate alia roboratis; aut si aliqui apostolica vel alia quavis auctoritate in dicta ecclesia Cracoviensi in Canonicos sint recepti, vel ut recipian- tur insistant; seu si super provisionibus sibi faciendis de Canonicatibus et praeben- dis in dicta ecclesia Cracoviensi speciales et huiusmodi vel alus beneficiis eccle- siasticis in illis partibus generales dictae Sedis vel Legatorum eius literas impetra- rint, etiamsi per eas ad inhibitionem, reservationem et decretum vel alias quomodo- libet sit processnm: quas quidem literas ac processus habitos per easdem et quae- cunque inde secuta, ad Canonicatus et praebendas nec non parochialem ecclesiam et capellas praedictos volumus non extendi, sed nullum per hoc eis quo ad asse- cutionem Canonicatuum et praebendarum aut beneficiorum aliorum praeiudicium ge neran; aut si Episcopo pro tempore existenti et dilectis filiis Capitulo Cracoviensi vel quibusvis aliis communiter vel divisim a dicta sit Sede indultum, quod ad re- ceptionem vel provisionem alicuius minime teneantur, et ad id compelli, aut quod interdici, suspendi vel excommunicari non possint, quortque de Canonicatibus et prae- bendis dictae ecclesiae Cracoviensis et huiusmodi vel aliis beneficiis ecclesiasticis ad eorum collationem, provisionem, praesentationem seu quamvis aliam dispositionem coniunctim vel separatim spectantibus nulli valeant provideri per literas apostolicas non facientes plenam et expressam ac de verbo ad verbum de indulto huiusmodi mentionem, et quibuslibet ¡uivilegüs, indulgentiis et literis apostolicis generalibus vel specialibus, quorumcunque tenoris existant, per quae praesentibus non expressa vel totaliter non inserta effectus earum impediri valeat quomodolibet vel differi, et de quibus quorumcunque totis tenoribus habenda sit in nostris literis mentio specia lis. Attente quoque provideas, ne in resignationibus huiusmodi, si fiant, aliqua inter- veniat pravitas seu etiam corruptela: nos enim ex nunc irritum decernimus et ina ne, si secus super his a quoquam quavis auctoritate scienter vel ignoranter conti nerit attemptari. Datum Florentiae, vj. Kalendas Novembris, Pontificatus nostri an no secundo.

(Signaturae ad latus et in dorso :)

(Ex archetypo membranaceo. Sigillum pensile avnlsum, restat solummodo funiculus cannabinus. — Nr. Archiv. Univ. 8976.)