Urbanus episcopns semis servorum Dei, Carissimo in Christo filio Kazimiro Eegi Poloniae illustri salutem et apostolicam benedictionem. Decet regiam celsitu- dinem non solum ea, quae per ipsam in favorem et utilitatem rei publicae liberaliter conceduntur, observare, sed etiam illa gratiarum muneribus ampliare. Cum itaque nuper tu ad utilitatem huiusmodi, nec non prosperitatem incolarum regni tui Polo niae et aliarum partium vicinarum laudabiliter intendens, civitatem tuam Cracovien- sem tanquam insigniorem aliis civitatibus dicti regni et magis accomodam et ido- neam, ut in ea vigeret Studium generale in qualibet licita facultate, duxeris ordi- nandam, ac omnibus et singulis Eectoribus Universitatis, Doctoribus, Magistris, Sco laribus, Scriptoribus, Stationariis et Bedellis, eorumque familiaribus, ad civitatem praedictam causa Studii huiusmodi se transferentibus et ibidem morantibus, nonnulla certa privilegia duxeris liberaliter concedenda, quae dilecti filii consules, scabini et iurati dictae civitatis perpetuo tenere et inviolabiliter observare promiserunt, prout tam in tuis, quam dictorum consulum, scabinorum et iuratorum patentibus literis inde confectis, tuoque magno et ipsorum sigillis impendenti munitis plenius contine- tur: nosque deinde ad commodum et profectum incolarum et regni praedictorum pa terais affectibus anhelantes, tuis in bac parte supplicationibus inclinati, de fratrum nostrorum consilio per alias nostras literas duxerimus statuendum ac etiam ordinan- dum, ut in dicta civitate huiusmodi Studium existeret generale, illudque perpetuis temporibus inibi vigeret, tam in Iuris canonici et civilis, quam alia qualibet licita, praeterquam in theologica, facultate, et quod legentes et studentes ibidem omni bus privilegiis, libertatibus et immunitatibus concessis Doctoribus legentibus et stu- dentibus commorantibus in Studio generali gaudeant et utantur, quodque Episcopus Cracoviensis, qui pro tempore fuerit, vel ecclesia Cracoviensi pastore carente, Vi- carius seu Officialis dilectorum filiorum Capituli ipslus ecclesiae, promovendos in dicta civitate ad Doctoratus seu Magisterii honorem in illa facultate, in qua fuerit exa- minatio facienda, iuxta modum et consuetudinem in talibus observatos examinare studeat diligenter, eisque, si ad hoc sufficientes et idonei reperti fuerint, docendi licentiam tribuat et honorem huiusmodi concedat, prout in dictis nostris literis ple nius continetur. Cupientes igitur ut tam incolae, quam alii praedicti in eadem civi tate causa huiusmodi Studii moraturi *utilius prosperentur: volumus ac Serenitatem tuam, quam votis nostris conformem speramus et credimus in hac parte rogamus et hortamur attente, quatinus omnia et singula privilegia huiusmodi per te, ut prae- mittitur, concessa ratifices et confirmes, et si expediens fuerit, alia de novo Univer- sitati, Doctoribus, Magistris, Scolaribus et studentibus huiusmodi regia liberalitate concedas, illaque tam concessa quam concedenda studeas observare et facias ab aliis

prout honori tuo conyenit, inviolabiliter observan. Per hoc autem articulum positum circa finem earundem literarum tuarum, quo cavetur, ut Cancellarius tuus Craco- viensis, qui foret pro tempore, approbandi examen privatum Scolarium in qualibet facultate, quos per Doctores seu Magistros ad dictum examen more solito poni con tingent, supra illos tanquam supremus omnimodam haberet potestatem, nolumus sub huiusmodi tua concessione et confirmatione inde facienda aliquatenus includi, cum hoc ad nos duntaxat pertineat, qui examinationem et approbationem huiusmodi fieri per dictum Episcopum, Vicarium seu Officialem duximus, ut praemittitur, ordinandum. Nulli ergo omnino hominum liceat hanc paginam nostrae voluntatis et constitutionis infringere, vel ei ausu temerario contraire; si quis autem hoc attemptare praesump- serit, indignationem omnipotentis Dei et Beatorum Petri et Pauli Apostolorum eius se noverit incursurum. Datum Avenione, Idibus Septembris, Pontificatus nostri anno secundo.

(Signaturae ad latus et in dorso:)

(Ex archetypo membranaceo. Sigillum avulsum appensum erat filis sericia coloris flavi et rosei. — Nr. Archiv. Univ. 12,493.)

Literae tfawogii Canonici et Officialis Cracoviensis Sententiam deflnitivam, qua de- cimae ex villis Lednica et Chor^gwica rectori ecclesiae parochialis in БоЬга adiu-

dicantur, in se continentes.

Cracoviae, Anno 1388, die 31 mensis Jannarii.

In nomine Domini Amen. Orta dudum coram nobis Nawogio Praeposito Scar- bimiriensi, Canonico et Officiali Cracoviensi, inter honorabilem virum dominum Dzi- uissium Canonicum Cracoviensem actorem ex una, et discretum virum dominum Sta- nislaum rectorem ecclesiae de Dobra reum parte ex altera, de et super decimis cam- pestribus manipularibus post araturas kmethonum in Lednicza et in Choranguicza villis prope Veliczkam, et eorum occasione parte ex altera materia quaestionis, libellus pro paite dicti domini Dziuissii contra Stanislaum memoratum nostrum in iudicium extitit in haec verba oblatus: Coram vobis honorabili viro domino Nawogio Prae posito Scarbimiriensi, Canonico et Officiali Cracoviensi, seu vestro locumtenente, pro- curatoris et procuratorio nomine honorabilis viri Domini Dziuissii Canonici Cra coviensis contra et adversus providum virum dominum Stanislaum rectorem parochialis ecclesiae de Dobra, vel contra quamlibet personam pro eo et eius nomine vestro in iudicio legitime intervenientem, dicit et proponit: Quod de Anno Domini Millesimo Trecentesimo Octuagesimo sexto et praesenti de mense Augusti, decimam post ara

2

turas kmethonum in Lednicza et in Choranguicza, villis prope Veliczkam, dyocesis Cracoviensis, spectantes de iure ad Canonicatum et praebendam dicti domini Dziuissii Canonici Cracoviensis a x. xx. xxx. xl. annis et citra et ultra, et a tanto tem pore et per tantum tempus, cuius contrarii memoria hominum non existit, dicta decima in Lednicza et in Choranguicza spectabat et spectat pro se et ecclesia sua ill Dobra, magis de facto, quam de iuris nomine, et novissime usurpat, tollit et ra- pit in praeiudicium dicti Domini Dziuissii et sui Canonicatus et praebendae, valentes quolibet anno duas marchas grossorum Pragensium et ultra, et in dampnum non mo dicum, iniuriam et gravamen, quod dampnum et gravamen, iniuriam et praeiudicium procurator nomine quo supra aestimat ad sex marchas grossorum, imo dictus domi nus Dziuissius mallet eanaem amittere, quam praemissa pati et sustinere. Et cum ipse dominus Dziuissius est sufficienter incorporatus Canonicatui suo et praebendae Cracoviensi, qui Canonicatus et praebenda ab antiquis temporibus, quorum memoria non existit, in dictis decimis est fundata et dotata, ecclesia vero in Dobra noviter erecta: non licet neque decet decimis dictae praebendae et Canonicatus praeiudicare et ecclesiae cathedrali Cracoviensi. Propter quod, domine reverende, petit dictus pro curator nomine procuratorio quo supra, per vos et vestram- Sententiam diffinitivam pronuntiari, decerni et declarari, praemissa fore bene et iuste petita, ipsumque Sta- nislaum se asserentem, ut dicitur, rectorem parochialis ecclesiae in Dobra, amovendum fore et amoveri ab occupatione dictae decimae in villis praedictis, nec non ad solu- tionem duarum marcharum pro raptu et occupatione decimae superius nominatae. et sex marchas ratione iniuriarum condempnandum fore et condempnari, compellendum fore et compelli ad satisfactionem dicto domino Dyuissio et suo procuratori, et ad totum causae suae interesse petit et requirit dictus procurator nomine quo supra coniunctim et divisim, et alio meliori modo iuris, causa et forma, quibus melius et efncacius de iure potest et debet, una cum expensis, dampnis et interesse litis et extra factis et passis, et protestatur de futuris; et alias petit et requirit in et de- super praemissis et eorum quolibet et coniunctim et divisim, nomine quo supra, sibi ñeri iustitiae complementum, vestrum etiam super praemissis et quolibet et con iunctim et divisim benignum officium implorando, salvo iure addendi, minuendi, cor- rigendi, declarandi, interpretanda resolvendi et alia de novo dandi, audiendi pe- tendi et requirendi, si sibi videbitur expedire. Ad quam quidem petitionem seu libel- lum Przeczslaus de Stobecz procurator et nomine procuratorio praefati domini Stanislai animo litem legitime contestandi in haec verba respondit: Ego Preczslaus procurator et nomine procuratorio nomine Stanislai rectoris ecclesiae de Dobra ad libellum do mini Dziuissii Canonici ecclesiae Cracoviensis, animo litem legitime contestando, re- spondeo et dico: Quod Marcussius, Nicolaus, Ratoldus de Lednicza, de Choranguicza, et Iacussius etiam de Lednicza defunctus, haeredes et patroni dictae ecclesiae in Dobra, fundaverunt dictam ecclesiam in Dobra et eandem ecclesiam dotaverunt de cimis de turis et agriculturis eorum in haereditatibus Lednicza et Choran guicza praedictis, ipsaque ecclesia in Dobra et Stanislaus praedictus nomine suo fuit in possessione earundem decimarum viginti sex annis proxime praeteritis usque ad annum praesentem videlicet Mfflesimum ccc°lxxx°viij a tempore funda....

ecclesiae pacifica et quieta, et praemissa offero me et dictum Stanislaum

rectorem dictae ecclesiae in Dobra probaturum, non astringens me et... . Stani slaum ad superflua probanda, sed ad ea solum, quae ipsum Stanislaum et ecclesiam

suam praelibatam possint relevan. Super qua cione termino ad deliberandum

per domiuum Dziuissium eidem per nos assignato et demum adveniente, Iohannes Custos Scarbimiriensis procurator et procuratorio nomine praedicti domini Dziuissii, con- ventorem se asserens bonorum Canonicatus et praebendae Cracoviensis domini Dziuissii praedicti tionem quasdam conditiones produxit continentiae huiusmodi et te nons: Iohannes Custos Scarbimiriensis, conventor bonorum Canonicatus et praebendae honorabilis viri domini Dziuissii Canonici ecclesiae Cracoviensis, contra contestatio-

nem litis Stanislai rectoris ecclesiae de Dobra, animo veritatis con um li-

bellum approbando alias productum ad acta, quod per araturas kmethonum in villis infrascriptis Lednicza, Choranguicza penes oppidum Veliczkam, decimae spectant et spectabant ad Canonicatum et praebendam domini Dziuissii moderni Canonici Cra coviensis a tanto tempore et per tantum tempus memoria hominum non exi-

stit, ipseque dominus Dziuissius fuit et est, suique praedecessores fuerunt in pacifica possessione dictarum decimarum et quieta, ipseque Stanislaus, ut asseritur, rector ecclesiae de Dobra usurpat sibi decimas easdem in villis praedictis nescitur quo iure vel qua consuetudine . . . que ipse Iohannes offert se probaturum per testes fidedig nos, ipsam decimam in villis praedictis pertinere et pertinuisse ad praebendam dicti domini Dziuissii Canonici Cracoviensis, tanquam conventor dictarum decimarum et voluntate dicti domini Dziuissii. Et quia iure communi in Regno Poloniae dictator: ubi colunt rustici agros in bonis haereditariis, decimae dantur in communem cursum dictum Gronitwam; sed hic per kmethones dictarum villarum agri coluntur, de iure communi Canonico Cracoviensi supradicto decimare tenentur vel suo conventori: petit dictus Iohannes conventor admitti se ad probandam suam iustitiam iure consueto. Partibus itaque praedictis per nos ad probandum hinc inde admissis, testes pro utraque parte nonnulli citati adducti, iurati et demum examinati debita cum diligentia extiterunt; quorum dictis et attestationibus in scriptis redactis, dicta et attestationes ipsas per partes praedictas publicari sunt petita et per nos una cum ipsis habita pro publi- catis. Termino quoque ad contradicendum ipsis partibus hinc inde contra dicta et attestationes testium per ipsas partes productorum assignato demum adveniente, par tes ipsae excipere hinc inde non curaverunt, sed in causa ipsa concludi petiverunt, extititque tunc cum ipsis conclusum et habitum pro concluso. Visis quoque et dili- genter examinatis ipsius causae meritis, actis acticatis, dictis et attestationibus testium solempniter inspectis et recensitis, iurisperitorum communicato consilio et assensu primo, deliberation e matura Sententiam diffinitivam in praedicta causa protulimus hu iusmodi sub tenore: Cristi nomine invocato, sedentes pro tribunali, solum Deum ha- bentes prae oculis, diffinitive sententiando diffinimus et pronuntiamus, decimas post araturas Marcussii, Nicolai, Ratoldi et Iacussii bonae memoriae in haereditatibus Choranguicza et Lednicza de agris, quos ab antiquo coluerunt, etsi nuper aliqui kmethones in eisdem agris sunt locati, ad ecclesiam parochialem in Dobra et ad Sta- nislaum ipsius rectorem pertinere, ac ipsas decimas ipsi Stanislao et ecclesiae suae in Dobra adiudicamus, domino Dziuissio, Canonicatui et praebendae ipsius Cracovien sis ecclesiae super eisdem decimis perpetuum silentium imponentes, ad expensas litis praefatum dominum Dziuissium eidem Stanislao condempnantes, quarum taxationem nobis in posterum reservamus. Quae quidem Sententia nostra diffinitiva, nulla apel- latione suspensa, in rem transivit iudicatam. In cuius rei testimonium praesentes nostrae Sententiae diffinitivae literas per Martinum Strelicz Notarium auctoritate

imperiali publicum, nostrumque et nostri scribam consistorii infrascriptum subscribi et publicari mandavimus et nostri iussimus sigilli appensione muniri. Actum et da- timi Anno Domini Millesimo Trecentesimo Octuagesimo octavo, Indictione xj, die ultima mensis Ianuarii, hora tertianun vel quasi, in stuba lignea maiori inferiori domus habitationis nostrae in Cracovia, nobis inibi ad iura reddendum pro tribunali sedentibus, Pontificatus Sanctissimi in Cristo patris et domini nostri domini Urbani digna Dei providentia Papae sexti anno decimo. Praesentibus venerabili viro do mino Symone Archidiacono Cracoviensi, Michaele plebano Sancti Ploriani, Nicolao dicto Cantor vicario Cracoviensis ecclesiae et Nicolao Mathiae de Czartky clerico Poznaniensis dyocesis, Notario imperiali auctoritate publico, testibus circa praemissa. (L. S. n.) Et ego Martinus Strelicz Michaelis de Olschowa clericus Wratisla- viensis diocesis, publicus imperiali auctoritate Notarius, suprascriptae Sententiae diffinitivae prolationi et pronuntiationi, dum sic ut praemit- titur, per praefatum dominum Nawogium üfficialem Cracoviensem fe- reretur et pronuntiaretur ac legeretur, praesens internai, eamque sic ut praemittitur, una cum praenominatis testibus ferri vidi et audivi, et in hanc publicam formam, scriptam de scitu, mandato et voluntate ipsius domini Officialis per alium Notarium fidelem, nota per me pri mitas confecta, me hic manu propria subscribens, redegi, signo et no mine meis solitis unde cum appensione sigilli ipsius domini Officialis consignavi requisitus per procuratorem ipsius Stanislai Preczslaum et per ipsum Stanislaum, in fidem et testimonium omnium praemissorum.

(Ex archetypo membranaceo, in nonnullis locis vitiato, cuius sigillum avul- sum. — Nr. Archiv. Univ. 17,982.)