In nomine Domini Amen. Ad rei memoriam sempiternam. Wladislaus Dei gratia Rex Poloniae, nec non terrarum Cracoviae, Sandomiriae, Syradiae, Lan- ciciae, Cuyaviae, Lithwaniae Princeps supremus, Pomoraniae, Russia eque dominus et haeres, significamus universis quibus expedit praesentibus et futuris, praesen

tium notitiam habituris: Quod cum supernae dispensations provisio, cui consi- lia non communicant aliena, nos ineffabili dignatione de gentilitatis erroribus ad lucem de tenebris, ac sui nominis agnitionem eduxit misericorditer, mirabiliter et vocavit, ac tandem ad regalis dignitatis fastigium ac gloriae solium, licet nostris insufficientibus meritis, gloriosius exaltavit, ad hoc laboriosae meditationis indagine propositorum nostrorum studia dirigimus, curamque nostrae diligentiae praestantius extendimus, ut quos olim in erroris vetusta caligine constituti socios tenebrarum ha- buimus, signanter indigenas terrae nostrae Lithwaniae, quos illo volente, qui coele- stia simul et terrena dirigit, ad assumptionem et integritatem fidei catholicae feli citer attulimus, per assuefactionem et exercitium piorum operum, sine quibus ipsa fides vacua fore noscitur et inanis, in lucis filios Deo duce totaliter convertamus, horum tamen ope pariter et opera, quorum animos candor aeternae lucis doctrinae et sapientiae plenitudine decoravit in fundamentis videlicet et profunditatibus scri- pturarum expertorum, quorum ex approbata prudentia consiliis altissimis thalamus roboratur regius et actibus virtuosis reipublicae stabilitas semper salubribus profi- cit incrementis. Ideo pro nostri Studii generalis almae Universitatis Cracoviensis iirmiori stabilimento ac dilatatione et uberiori incremento, neophytarumque praedictae Lithwaniae, caeterarumque gentium clariori salutis illuminatione ube(rio)ri et profe- ctu, praesertim ad fidei catholicae propagationem nostrae humanitatis viribus assur- gere et aspirare praecordialius cupientes, Studium praedictum infrascripti beneficii incorporatione ad nostram utpote veri patroni donationem, praesentationem etc. per tinents, singularem ad id gerentes pietatis affectum, prout ad hoc ex assumptae dignitatis officio noscimur obligari, de nostra munificentia speciali praehonorando et benignius largiendo, dignum duximus consolandum; ut de tanta ubertate Studii praedicti etiam in exteras nationes per floridam fructuum salutiferorum multiplica- tionem et Magistrorum, Doctorum ac praedicatorum creationem et coelestis prolis foecundam generationem sparsim dilatare et diffimdere valeat feliciter atque possit, quo se latioribus beneficiorum et refectionum curialitatibus et munificentiis de no strae liberalitatis intimis senserit consolatum. Damus itaque, donamus, conferimus, ascribimus, adiungimus et incorporamus perpetuis temporibus affuturis eiusdem Studii generalis Sacrae Theologiae Professoribus, Doctoribus et Magistris Custodiam ec- clesiae Sancti Floriani in suburbio nostrae Cracoviensis civitatis, exceptione de ea- dem Custodia in nostro privilegio priori non obstante. Ipse quoque Sacrae Theolo giae Professor, Doctor sive Magister, qui post mortem honorabilis viri Nemyerzae ibidem nunc Custodis assecutus fuerit Custodiam suprascriptam, pro nostra ac Zo- phiae consortis nostrae, nec non domini Allexandri alias Wytowdi Magni Ducis Lithwaniae salute ad Dominum iugiter interpellet. Volumus insuper et omnino decer- nimus, quod praefatus Sacrae Theologiae Professor, Doctor vel Magister postquam ipsum bencficium adeptus fuerit, legere ac residentiam personalem facere in praedi- cta Universitate more aliorum circa praedictam ecclesiam promotorum teneatur. Et ut ipsa praemissa et singula perpetui roboris obtineant firmitatem, praesentes literas nostras in fidem et testimonium omnium praemissorum scribi mandavimus, ac nostri maioris sigilli pendentis munimine iussimus roborari. Actum et datum in ecclesia ca- thedrali nostri castri Cracoviensis, ipso die dominico quo Invocavit in Ecclesia Dei decantatur, Anno Domini Millesimo Quadringentesimo vigesimo quinto. Praesentibus reverendis in Christo patribus dominis Alberto Archiepiscopo Gneznensi, Zbigneo

Episcopo Cracoviensi, nec non honorabilibus et magnificis Wladislao Opporowsky Decretorum Doctore, Scolastico Wladislaviensi, Magistro Andrea de Kokorzino Sa- crae Theologiae Baccalario formato, Custode Sandomiriensi, Sandziwogio de Ostro- rog Palatino Poznaniensi et aliis quam pluribus testibus fide dignis.

Ad relationem venerabilis viri Stanislai Czolek Vicecancellarii Regni Poloniae.

(Ex archetypo membranaceo, cum sigillo maiestatico maiori, ex alba cera effecto, filis sericis coloris rubri et viridis appenso. Sigillum eiusdem typi ac sub Nr. XVI. — Nr. Archiv. Univ. 9916.)

LXXVn.

Investitura Magistri laurentii de Rathibor ad altare tituli S. Bartholomei Apo- stoli in ecclesia cathedrali Cracoviensi per Stanislaum de Scarbimiria Decretoram

Doctorem, Canonicum Cracoviensem.

Gracoviae, Anno 1426, die 12 mensis August!

Stanislaus de Scarbimiria Decretorum Doctor, Canonicus Cracoviensis, nec non Vicarius in spiritualibus per reverendum in Christo patrem et dominum, dominum Sbigneum Dei gratia Episcopum Cracoviensem in absentia venerabilis viri domini Andreae Mischka Archidiaconi et Officialis Cracoviensis specialiter deputatus, dis crets vicariis (h)ebdomadariis chori Cathedralis Cracoviensis, ac ffli vel illis, ad quem vel ad quos receptio huiusmodi altaristarum pertinet, et qui fuerint praesen- tibus requisiti, salutem in Domino sempiternam. Quia vacante media parte altaris Sancti Bartholomei Apostoli in ecclesia Cracoviensi siti, per liberam resignationem honorabilis viri Magistri Nicolai de Pyantek ultimi et immediati altaristae prae- dicti, per Magistrum Iacobum de Xansz procuratorem ipsius in manibus nostris factam et per nos admissam, cuius provisio, collatio et omnimoda iuris dispositio ad venerabilem virum dominum Iohannem Schaffranecz Decanum ecclesiae Craco viensis praedictae de iure pertinet, honorabilem virum Magistrum Laurentium de Rathibor Sacrae Theologiae Baccalarium, Collegiatum Collegii almae Universitatis studii Cracoviensis, morum honestate, vita laudabili, aliisque laudabilibus virtutum meritis exornato, ad praesentationem praedicti domini Iohannis Schaffranecz etc. per manus nostrae capiti suo impositionem investivimus ac tenore praesentium in- vestimus de eodem, curam et administrationem spiritualium et temporalium, et si quod est regimen ibidem annexum animarum sibi committentes. Quocirca vobis supradic- tis in virtute sanctae obedientiae et sub excommunicationis poena mandamus, qua- tenus praefatum Magistrum Laurentium ad dicti altaris possessionem inducatis cor- poralem et realem, res, libros, calices, ornatus et claves eiusdem altaris sibi effec

20

tualiter, dum et quando praesentibus requisiti fueritis, assignantes. Mandantes nihilo- minus omnibus et singulis dicti altaris redituaras, tributariis, censuariis, ut prae- libato Magistro Laurentio altaristae legitimo de omnibus fructibus, reditibus, pro- ventibus, decimis, oblationibus et obventionibus universis per eos, ad quos pertinet, plenarie responderi, et ut sibi in omnibus obediant licitis et honestis. In cuius rei testimonium sigillum nostrum praesentibus est subappensum. Actum et datum Cra- coviae, die xij. mensis Augusti, Anno Domini Millesimo Quadringentesimo vicesimo sexto. Praesentibus ibidem Nicolao fratre de Brzesco ordinis Praemonstratensis et Alberto Francisci de Nova Civitate clericis, testibus.

(Ex archetypo membranaceo, cuín sigillo cereo rubro, taeniola înembrana- cea appenso. Sigillum exhibet imaginem cuiusdam Sancti, cum sequenti in am- bitu inscriptione Uteris minuscnlis gothicis exarata: $. jHanislai.bt.stntbiraitia. bttttt.bott. canonici .ttatnuitns.— Nr. Archiv. Univ. 9227.)