In nomine Domini Amen. Quia gloriosus Deus in Sanctis suis et in maiestate mirabilis Virginem gloriosam filii sui genitricem super choros Angelorum exaltando collocavit, ut interpellaret pro genere humano, et ut eidem a fidelibus devote et laudabiliter serviatur cum reverentia, quae matri defertur, illi etiam, qui eam talem fecit, ut virgo et mater esset, dinoscitur exhiberi. Proinde nos Sbigneus de Olesch- nicza Sanctae Romanae et Apostolicae Sedis Protonotarius, Canonicus Gneznensis, Cracoviensis, Sandomiriensis et Wislicensis ecclesiarum Praepositus, Franciscus De- canus, Sacrae Theologiae Professor, Nemerza de Chrzelow Custos, nec non Stanislaus de Scarbimiria Decretorum Doctor, Iohannes Cruczborg, Nicolaus Bawdissin, Pel- ka de Borzicowa, Andreas de Kokorzino Canonici Sancti Floriani ecclesiae colle- giatae extra muros civitatis Cracoviensis, ad laudem et honorem Dei genitricis Vir ginis Mariae, salvis omnibus articulis in privilegio ordinationis et dispositionis cul- tus divini eiusdem ecclesiae contentis, statuimus et ordinamus de consensu et vo luntate Vicepraepositi et vicariorum, ut in recompensam praerogativae ipsis pernos factae, de qua in privilegio, de quo supra facta est mentio, omnes et singuli Vice- praepositus et vicarii horas sive cursum de Domina interpellatim infra horas canoni cas compleant, conformando se ecclesiae cathedrali Cracoviensi, ita videlicet, quod completo Matutino, legant Matutinum de Beata Virgine, et post Primam similiter de Domina Primam legant et compleant, et consequenter omnes alias horas, Ter- tiam, Sextam, Nonam, Vesperas et Completorium in choro eiusdem ecclesiae alta et intellegibili voce, tractim non festinando et cum omni reverentia, ita ut ipsorum ministerium sit acceptum in conspectu Altissimi mentis et intercessione eiusdem ge nitricis Dei Virginis gloriosae. In cuius rei testimonium praesentibus sigilla nostra sunt appensa. Actum et datum Cracoviae, in crastino Sancti Floriani, Anno Do mini Millesimo Quadringentesimo vicesimo secundo. Praesentibus discretis viris Ste- phano Vicepraeposito, Petro Vicedecano, Michaele Vicecustode, Iohanne Vicecan- tore, nec non Iohanne et Clemente vicariis ecclesiae collegiatae Sancti Floriani praedictae, testibus ad praedicta vocatis.

(Ex archetypo membranaceo, cum sigillo cereo rubro, filis sericis coloris rosei et nigri appenso. Sigillum exhibet scutum cum insigni Debno; in am- bitu vero legitur inscriptio Uteris mieusculis sic dictis gothicis exarata: li.sbignti^bt.nltadjniti.— Nr. Archiv. Univ. 10,049.)