Andreas Mischka Scolasticus Gneznensis, Canonicus et Officialis Cracoviensis ecclesiarum, nec non Vicarius reverendi in Christo patris et domini, domini Sbignei Dei gratia Episcopi Cracoviensis in spiritualibus generalis, discretis viris vicariis et (h)ebdomadariis ad Cathedralem Cracoviensem et praesentibus requirendis, salutem in Domino. Vacante altari Sancti Bartholomei Apostoli in ecclesia cathedrali Cra coviensi praedicta Collegio almae Universitatis studii Cracoviensis incorporato, per

liberam resignationem honorabilis viri Magistri Laurentii de Bathibor Sacrae Pa- ginae Baccalarii et Collegiati almae Universitatis studii Cracoviensis praedicti, ul timi et immediati altaristae altaris praedicti Sancti, nostris in manibus factam et per nos admissam, praemissis etiam literis citationis et cridae contra omnes, qui sua putarunt interesse, reproductis quoque et debite executis, ad praesentationem vene- rabilis viri domini Iohannis Schaffranyecz Decani ecclesiae Cracoviensis praedictae et regni Poloniae Cancellarii, eiusdem altaris patroni, honorabilem virum Magistrum Iacobum de Kxans Collegiatum almae Universitatis et Studii praedictorum, per ma- nus nostrae impositionem capiti honorabilis viri Magistri Nicolai Pyanthek Bacca larii Sacrae Theologiae, procuratoris sui legitimi, canonice investivimus et tenore praesentium investinms de eodem, curam temporalium, administrationem spiritualium et si quod regimen est annexum animarum sibi ibidem committentes. Quocirca vobis et dominis, ad quos altaristae pertinet receptio, vicariis (h)ebdomadariis et execu- toribus supradictis in virtute sanctae obedientiae et sub excommunicationis poena mandamus, quatenus praefatum Magistrum Iacobum de Kxans ad dicti altaris pos sessionem realem et corporalem inducatis, res, libros, calices, ornatus et eiusdem altaris claves sibi effectualiter, dum praesentibus fueritis requisiti, assignantes et tradentes. Mandantes nihilominus omnibus et singulis dicti altaris censuariis, redi tuariis et decimatoribus, ut eidem Magistro Iacobo altaristae legitimo et vero re- ctori integraliter respondeant cum efïectu, et ut eidem in omnibus licitis obediant et honestis. Datum Cracoviae, die Martis viij. mensis Iulii, Anno Domini Mfflesimo Cuadringentesimo vicesimo septimo, nostro sub sigillo.

(Ex archetypo membranaceo, cum sigillo cereo viridi, taeniola membrana- cea appenso. Sigillum exhibet scutum cum insigni dicto Gryf, et cum sequenti in ambitu Uteris minusculis gothicis exarata inscriptione: ф.иnЬш acolastici gntsu. tt canonici ctac.— Nr. Archiv. Univ. 9228.)