Nos Michael Iudex et Dobeslaus Subiudex terrae Cracoviensis generales notum facimus quibus expedit universis, praesentibus et futuris praesentium notitiam babi- turis: Quod cum pro tribunali in curia causarum regalium Serenissimi Principis domini nostri Wladislai Regis Poloniae sedebamus, tunc accedens ad nostram, no- strorumque assessorum ac militum et baronum plurimorum praesentiam strenuus mi les dominus Sandziwogius haeres de Schubyno Palatinus Kalissyensis, sanus mente pariter et corpore existens, non compulsus, non coactus, nec aliqua fraude vel errore circumventus, sed de bona et spontanea voluntate sua iugiter praehabita, habitoque super hoc fratrum et amicoiiun consilio suorum speciali, domum suam magnam mu- ratam, omnimodam in platea monasterii Sancti Andreae et castrensi circa et prope ecclesiam Sanctae Mariae Magdalenae in Cracovia sitam et iacentem, cum ipsius magnae domus omnibus domibus seu domunculis subtus, retro, ante, intra et supra dictam domum magnam situatis, constructis et muratis, ac cum universis ipsarum domus et domuncularum iuribus, dominio, utilitatibus, fructibus, redditibus, proven- tibus, censibus, areis tam desertis quam locatis, terra, muro, structuris, aedificiis et pertinentiis quibuslibet, ac ita prout eandem domum magnam cum domunculis ip sius praedictis solus tenuit, et velut dicta domus magna cum eisdem domunculis in suis metis, muro et graniciebus ab antiquo est distincta, nihil pro se et successo- ribus suis iuris, dominii vel utilitatis reservando, honorabili viro domino Iohanni de Ezessow Praeposito Sancti Michaelis et Canonico Cracoviensi ecclesiarum ac ipsius posteris et succedaneis legitimis pro septingentis marcis grossorum Pragen- sium numeri Polonicalis consueti in totum vendidit et in perpetuum coram nobis iudicialiter resignavit, promittens ipsum dominum Iohannem occasione praemissorum ab omni impedimento atque damno iuxta ius terrestre infra tres annos et tres men

ses proximos ubilibet relevare, per eundem dominum Iohannem praemissa omnia iure haereditario et perpetualiter tenendum, habendum, utifruendum, possidendum, donan- dum, vendendum et in usus suos suorumque posterorum beneplacitos libere conver- tendum. Nos igitur praedictas venditionem et resignationem praesentibus approban- tes, ipsas decernimus perpetuo valituras. Harum quibus Sigilla praesentibus nostra sunt appensa. Actum et datum Cracoviae in curia supradicta, feria secunda in crastino dominicae Invocavit, Anno Domini Millesimo CCCC° tertio. Praesentibus strenuis dominis Iohanne de Tharnow Cracoviensi, Iohanne Liganza Lanciciensi Palatinis, Iohanne de Thanczin Cracoviensi, Cristino Sandomiriensi, Cristino San- decensi et Imramo Zavichostensi Castellanis, pluribusque aliis testibus fide dignis.

(Ex archetypo membranaceo, cum duobus sigillis cereis albia, taeniolis membranaceis appensis. Sigillum primum exhibet scutum cum insigni Pólkozic, in cuius ambitu legitur inscriptio: ^tS.MICHAELIS.IVDICIS.CRACO. Sigillum al terum vero defert scutum cum insigni Ostoia atque hac in ambitu inscri- ptione: t$.tabulai.inbtabttis.tmmiittuti.— Nr. Archiv. Univ. 5768-j