Reverendo in Christo patri et domino, domino Sbigneo Dei gratia Episcopo Cracoviensi, Rector, Doctores et Magistri ac tota Universitas studii Cracoviensis, obedientiam debitam, devotasque in Domino orationes. Reverende pater et domine gratiose. Vacante Canonicatu et praebenda in ecclesia Cracoviensi per Sedem Apo- stolicam Universitati nostrae incorporatis, per munus consecrationis reverendi patris domini Iohannis Schaffranecz Episcopi Wladislaviensis, ultimi et immediati eorun- dem Canonicatus et praebendae Canonici, venerabilem virum Magistrum Franciscum Creyswicz de Brega Professorem Sacrae Theologiae ad eosdem Canonicatum et prae- bendam investiendum P. V. duximus praesentandum et vigore praesentium in Dei nomine praesentamus, supplicantes cum affectu, quatenus ipsum aut ipsius legiti- mum procuratorem ad praedictos Canonicatum et praebendam pure propter Deum dignemini instituere et investire, plenitudinem iuris canonici et administrationem de eisdem cum stallo in choro et voce in capitulo sibi assignando. In cuius praesen- tationis robur et testimonium sigillum Universitatis nostrae praedictae praesentibus est appensum. Datum Cracoviae in Collegio Serenissimi Principis et domini, domini Wladislai Regis Poloniae. Anno Domini Millesimo Quadringentesimo vicesimo oc tavo. Decima nona die mensis Decembris.

(Ex arehetypo membranaceo, cum sigillo cereo rubro, taeniola membrana cea appenso. Sigillum exhibet imaginem S. Stanislai episcopi, sub quo scu tum cum Aquila polonica. in ambitu vero legitur duplex inscriptio Uteris minusculis sic dictis gothicis exarata: ^>igitlnm. nninttsitatis. stnbii. ctacouitnsis.^t- nttalis.— Santtas. staslans. mlabislona. г.polit. — Nr. Archiv. Univ. 9199.)