Wir Nicolaus Tesschin, Nicolaus Bastgerth , Nicolaus Swarczhensil, Andris Schretil, Ielge Grundner, Barthus von der Czirla, Pauel Leypniger, Wilhelm Wy- land, Nicolaus Werzing, Tilman von Bruch vnd Petrus Grazer Scheppin der Stat Cracow bekennen allen den is notdorft wirt seyn, daz vor vns in geheget dink, daz Niclos Schaffer vnser foit zas, komen ist der weyse Herman Zelig, keygen- wurticlich steende hot seynen garthen bey Iacussij Cose hause czu neste vor dem Slokisschem tore gruntlichen gelegin, dem pharrer czu Sinte Niclos ierlichen eyn phunt pheffir vnd eyn lot zaffran czinsende, vnd mit alle den rechtin, mossin vnd greniczen, als her den selbin garten bys doher gehabit, gehaldin vnd bezessin hot, dem erber n Iacussio Cose mit folkomener macht czu thuen vnd czu lassen vnd mit erblichem rechte frey vorreichet vnd hat gelobit vor alle ansproche noch der Stat recht. Mit geczeugnus dises briffis do vnser Schepamptis Sigil an ist gehangin. Gegebin am achten tage des Obirsten tagis der Jarczal gotis Tausunt virhundirt Jar vnd in dem Sibenczendem Jare.

(Ex archetypo pergameneo, cum reliquiis destructi sigilli Officii Scahi natus Cracoviensis, in cera alba expressi, taeniola membranacea appensi.— Nr. Archiv. Univ. 5225.)