#In nomine domini amen.# Hainricus prepositus, Hainricus decanus totumque Ratisponensis ecclesie ca :| pitulum. Uniuersis presentes litteras inspecturis orationes in domino cum salute. In futurum uolumus esse notum, quod uenerabilis pater et dominus noster, dominus Albertus dei gratia Ratisponensis episcopus, de nostro et ministerialium ecclesie nostre consilio ac libera uoluntate conmutauit domino Chunrado de Hohenvels curiam in Inringen, quam ab ecclesia nostra in feodum obtinebat idem dominus Chvnradus de Hohenvels, pro duabus curiis et molendino suis propriis sitis in Sæfelperge recipiendo in proprietatem ecclesie nostre et tradendo ipsi Chvnrado easdem possessiones in feodum uice curie supradicte, que etiam possessiones in Sæfelperge iure proprietatis aput nostram ecclesiam in posterum remanebunt cum omnibus suis pertinentiis, inquisitis et etiam inquirendis, dicta uero curia in Inringen cessit in proprietatem ipsius Chunradi ex huius modi conmutatione. Facta itaque conmutatione supradicta dictus Chunradus memoratam curiam in Inringen cum omnibus suis attinentiis uendidit et tradidit hospitali sancte Katherine in pede pontis Ratisponensis de consensu sue uxoris et suorum liberorum ipsam curiam ad altare dicte virginis libere resignando. In cuius rei testimonium presentes litteras confici placuit et sigillo nostre ecclesie conmuniri testibus subnotatis. Hii sunt testes: Hainricus summus prepositus, Hainricus decanus, Vlricus de Dornberch, Alhardus de Hvette, Chunradus de Cheueringen, Perngerus comes de Altendorf, Altmannus comes de Roteneke, magister Leo, Marquardus Wulpo, Ulricus iunior de Dornberch, canonici Ratisponensis ecclesie. Layci: Fridericus de Praga, Chunradus marshalcus de Sunechingen, Ditricus de Reitenbuch, Paldwinus de Perwingen, Vlricus de Tanhausen, Zacharias de Haga. Testes uendicionis et tradicionis supradictarum sunt canonici suprascripti, layci uero: Hainricus inter Latinos, Otto de Praga, Leutwinus iuuenis aput Capellam, Gewoltus prepositus de superiori monasterio, Chuno de Hovedorf, Rvdigerus de Isiningen, Vlricus de Stouf, Ortlibus in Foro, Ulricus in Prvnnelaite, Levpoldus dictus de Prag, Otto Veslarius, Fridericus Veslarius, Hærtwicus de Weimptingen, Ernestus in dem Swal, Rvdigerus granator, Albertus in Suburbio, Perwinus, Rvdigerus de Weimptingen, Fridericus frater Heretwici, Hainricus medicus, Lvtwicus, Hainricus Savfarius, Romanus iuuenis, Siboto in Foro, Chunradus Longus, Perhtoldus Chargo, Fridericus Zapphenarius, Chunradus Gewelspechus, Hærtwicus prepositus de Hohenvels, Vlricus molendinator, Albertus seruus magistri, Pernhardus, Hainricus scolaris, frater Hainricus inter Institas, frater Hainricus in Foro, Chunradus de Pruveningen. Testes autem renunciationis facte ab uxore et liberis predicti Chunradi quoad curiam in Inringen memoratam sunt hii: Chunradus de Tanhausen, Rvdigerus de Isningen, Panholtz de Tomelingen, Hærtwicus prepositus in Shambach, Chunradus filius fratris sui, Chunradus scriba, frater Hainricus de Pulnhoven et alii quam plures. Datum Ratispone, anno domini Mo CCo LVIto.