Ich Hawart der Svnchinger tvn chunt allen den, die disen brief sehent oder horent lesen, daz so getan erigen als der Gozwin het, der Waller da ze Illenpach, hove vnd h*vbe :I vnd swaz so er da het, versucht vnd vnversucht, daz ich des salman bin, her von minem vater, vnd daz ovch ze reht in min hant bereht ist. Dazselbe aigen hat div Wallerinne, ir svn vnd ir tohter gegeben dem spital hin ze Regenspurch, sand Katherin, mit des Svnchingers hant, der des gůtes salman ist, versucht vnd vnversucht, als si iz het vnd ir wirt, an alle ansprach, vnd ainen zehenten ovz demselben g*vte. Dises gutes ist chovfer vnd werman gewesen, her Chůnrat der Puller von Sala, vnd daz gelubde hat der Chůnrat vnd der Svnchinger in genomen ze laisten dem spital, daz aw frowe vnd iriv chint svlen gewern sin des gůtes, also der brief hie beschaidet, zehen iar oder mer, vor aller ansprach des spitals von Regenspurch. Dir chovf vnd disiv stet, ist geschehen des nehsten svnthages nah dem perhtag von vnsers herren gebvrt tavsent iar, zweihvndert iar, in dem ainvndohtzkistem iar ze Geiselhering daz dem pfærrær. Da was bei: Gebhart von Sigenstein, Eberhart der chastenær, P*vlachær, Ratold vnd Dietmar, alle f/vmf des Schvngingers chneht, Dietreich der Chazpech, Fridreich, Chvnrat, Vlreich, Rvdolf, R/vdger, Widenman, Reicher, Hærtweich, alle des Pullærs chneht, Friderich der Zolnær vnd sein pr/vder der Nænczinger, Fridrich vnd aber Fridrich, zwen P/vsenchovær, Chvnrat vnd Perhtold, zwen gebrvder von P/vhel, der Amman von Haderspach vnd der chamerær, der Chvrsenær in der wis, Vlreich avf dem Lins, Heinrich, der hofmaister ze Geiselhering, Dietmar, der Wallerinn chneht vnd ir reitter der Pledorfær, Vlrich der Winter, Gotfrid an dem marcht, der pfærrer her Eberhart von H/utte vnd sein mesenær Heinrich, der mair von Illenpach vnd der Stadelær, Chvnrat der Fleishman vnd der G/olsse, Seibot vnd Heinrich, zwen Poemel vnd noch vil mer, di dapei warn, ander lævt.