Ego Waltherus dictus Moschopf inter Latinos tenorem profiteor per presentem me hospitali sancte Katerine in pede pontis :I Ratispone concessisse quandam meam aream sitam in fico, qui Wæitenstraz vulgariter nuncupatur, pro curriculo trium personarum, videlicet fratris W(er)nheri de Ror, fratris Chv(nrad)i de Nurenberch, fratris Rugeri de Alderspurch hac condicione mediante quatenus hospitale mihi vel successoribus meis singulis annis in vigilia vel in die beati Emmerammi sedecem denarios tunc usuales solvere non desistat hoc adiecto articulo, si una illarum personarum viam adeat universe carnis, aliam personam aput me vel mihi successis pro LX denariis usualibus possunt lucide comparare. Insuper si ex ipsorum fratrum hospitalis negligencia tractatus talis devolutus sive elapsus fuerit, quod memorate persone fuerint morti dedite, area prenotata ad me libere revertetur iure predictarum personarum non obstante, quod ut ratum permaneat et inconvulsum placuit presentem litteram sigillo meo ad maius testimonium roborare. Huius rei testes sunt Karulus miles de Auue, H. dictus Zant, Vlr(icus) dictus Chziher, Perht(oldus) dictus Lehho, R(ugerus) ante suburbium et alii quam plures. Acta sunt anno domini M CC LXXX IXo.