Universis presentem paginam inspecturis vel eciam audituris, ego Chvnradus de Hohenvels cupio esse notum, quod ius :| in feodandi seu in feodacionis, quod in decima per perrochyam Lenchoven michi meisque fratribus competebant, in manus domini mei venerabilis Ratisponensis episcopi liberaliter resignavi, promittens de meis fratribus quibus ad hoc etas fuerit competens et provecta infra nunc et festum sancti Georii similem resignacionem fieri per eosdem, hii vero qui tenerioris adhuc etatis fuerint cum annos attingerint racionis idem facere tenebuntur. Ut autem hec rata permaneant et ad effectum debitum perducantur una mecum se obligant et promittunt discreti viri H. de Ernvels, Vl. marschalchus de Lengenuelt, Al. de Strawbinga vice dominus tali pacto, quod si promissio predicta fuerit veniente temporis oportunitate forsitan retardata, memorati viri Ratispone obstagia sub intrabunt. Inde donec predicta fiant omnia nullatenus exituri. Et si unum illorum fideiussorum quod absit medio tempore mori contigerit equivalente eidem tenebor substituere loco sui. In cuius rei testimonium presens scriptum sigilli mei et sigillorum predictorum fideiussorum appensionibus roboravi. Acta sunt hec coram domino reverendo episcopo Ratisponensi, anno domini M CC nonagesimo tercio, feria tercia post Invocavit. Testes sunt Hainricus de Salir, Karulus de Awe, Otto Woller, Vlricus magister curie domini episcopi, Rugerus de Werthof, Vlricus Pamkartter, Hainricus de AȆ et alii quam plures fide digni.