Cum secundum instituta legalia promissa parentum a dilectis heredibus debeant benivolencius :| adinpleri, ego igitur Vlricus lantgravius de Livtenberch universis presentem litteram inspecturis cupio esse notum, quod hospitali sancte Katherine in pede pontis Ratispone curiam sitam in Pueschenhaim, quam pater meus Gebhardus pie memorie Hæinrico de Raeichkering contulerat iure feodali cum omnibus suis attinenciis et censum XXXa denaeriorum, qui de curia in Pueschelchinden iure advocatie singulis annis dabantur, necnon quedam alia prediola desolata in remedium anime patris mei carissimi Gebhardi felicis memorie, Lantgravii de Livtenberch, sicut fratribus hospitalis coram personis ydoneis et honestis promiserat vite sua una cum matre mea dilecta ... perenniter adpropriavi. Ut hec rata permaneant, presentem paginam munmine sigilli nostri dedi roboratam testibus subnotatis. Testes sunt: dominus Chunradus de Paulstorf, dominus Haeinricus Romanus capellanus hospitalis, frater Perhtoldus Clauierc, frater Chunradus de Nurnberch, frater Chunradus de Haerting magister hospitalis, frater Fridricus de Sneberch, frater Weinmarus, Wernherus de Velschenbach, Haeinricus filius suus et aii quam plures fide digni. Actum sunt hec anno domini Mo CCo nonagesimo tercio, in die beati Thome apostoli.