Nos Sifridus dei gratia abbas monasterii sancti Viti in Prueel patere cupimus unversis intuentibus presens :| scriptum, quod lis, que vertebatur inter procuratores hospitalis Ratisponensis exparte una et Chunradum ecclesie nostre famulum ex parte altera super quodam predio sito in Metzing, quod prefatus Chunradus asserebat ad uxorem suam et filios esse iure hereditario devolutum, de prudentum virorum consilio per viam amicabiliter composicionis taliter est decisa, quod prefatus Chunradus pro se et uxore sua nec non heredibus, quos in presenti habet vel si quos habiturus est in futurum renunciavit precise omni iuri, quod predicte uxori sue suisque heredibus tam de iure, quam de facto in prefato predio competere videbatur et hoc de sepedicte uxoris sue et heredum suorum consensu et bona peritus voluntate. In cuius rei testimonium presentem paginam conscribi fecimus nostri sigilli munimine roboratam, testibus qui hiis interfuerunt nichilominus subnotatis, et sunt hii: dominus Wilhalmus sacerdos et alumpnus ecclesie Prvlensis, frater Siboto, frater Chun(radus) congnomento (!) Rennær de hospitali prenotato, Sigehardus Denchligær, Hainricus Hagenpucher et alii quam plures fide digni. Datum in Prvl, anno domini Mo CCo XCo IIIIo, VIo kl. marcii.