Ich Arnolt der Judman vergich vnd t/vn chunt allen den, die disen gagenburtigen prief ansehent oder ho'rent lesen, daz ich :I meinen hof da cze Sehouen pei der pruch, den ich chauft von hern Winharten von Kamerberch, f/vr ein vreiez, ledigez aigen han verchauft dem maister vnd den pr/udern, vnd dem spitol an der pr/vch ze Regenspurch, vmb f/vnfczehen pfunt Regenspurger pfenning vnd vmb setzich pfenning, der si mich schon vnd erleichen habent gewert; derselb hof da cze Sehouen schol alle iar gelten ze rehter g/vlt zwei schaf roggen vnd ein schaf gersten, vnd ein schaf habern, vnd dreivndf/vnfczich Regenspurger pfenning ze wisgelt, zehen ka's, aht h/vn(e)r, vier gens, hundert aier, vnd denselben hof da cze Sehouen, han ich in verchauft f/vr ein vreiez, ledigez eigen, daz ich noch cha'in mein erbe, noch chain mein affterchunft, chain ansprach noch cha'in reht nimmer mer gehaben noch gebinnen, denselben egeschribenn hof han ich verchauft den spitolern von Regenspurch, mit allem dem reht vnd darzve geho'ret, benantz vnd vmbebantz, besuechcz vnd vmbesvechcz, gepauenz vnd vngepauenz, ze dorff vnd ze velde, ze holcz vnd ze stochk, ze bazzer vnd ze stain, ze achker vnd ze wis, vnd mit allem dem reht als z/v demselben geschribenn aigen geho'ret, auch so sol ich den vorgenanten spitolern vnd dem spitol, vnd irn nachchomen daz egenant g/vt da cze Sehouen verantburten vnd rehtvertigen, vnd versprechen an aller der stat, do ez wirt angeuertiget oder angesprochen, als aigens reht ist, vnd des landes gewonheit an allen iren schaden, an widerrede vnd an allen chriechk, ob ich doran sa/vmich wa'r vnd des niht ta't, vnd volf/vrt als vor geschriben sta't, vnd na'men si des chainen schaden, den schol ich in vnd mein porgen auch abt/vn an alle widerrede. Daz daz allez sta't vnd vnczerprochen beleib, von mir vnd von allen meinen erben vnd affterchunden, dorvmb, so han ich in den vorgeschriben spitolern ze porgen gesacz vnverscha'idenleichen z/v mir, hern Winharten von Chamerberch, von dem ich denselben hof chauft da cze Sehouen, vnd meinen pr/uder Otten den Judman von Staingrist, vnd Willhalmen den Ko'lnner von Ingolstat, die alle drei irev insigel an disen gagenw/urtigen prief habent gelett, ze einem /vrch/vnde vnd ze einer sicherheit, swaz ie an einem abe ge, daz daz der ander volf/vr vnd daz dicz allez also sta't vnd vnczerprochen beleib, dorvmb, so gib ich in disen gagenburtigen prief versigelt mit mein selbes insigel und mit hern Winhartes von Chamerberch insigel, vnd Otten des Judmans von Staingrist, vnd Willhalms des K/ollna'rs von Ingollstat. Des sint gezevg: her Hiltwein von Chrondorf, her Albreht der Ko'llner, her Herman von dem Bessenhof, Friderich von Hauss, Heinreich der L/vczelmar, Wernher der Stainhauser, Ch/vnrat der sch/vlmaister, Seifrit von Geisenuelt vnd ander fr/umer la'ut gen/vch. Daz ist geschehen, da cze Ingolstat do von Christes gep/vrt woren tausent iar, drevhundert iar vnd sehs iar an des heiligen herren tach sant Lienhartes.