Ich Herweich von Awe, purger ze Regenspurch, vergich vnd t/un chunt allen den, die :I disen brief ansehent oder horent lesen, daz ich den weingarten, der gehaizzen ist der Pirchein vnd an der Lantzchron gelegen ist, do mein vater her Dietreich von Awe ausgeschaft het, im ze einem selgera't, allen den wein der vber den weinz/url ellev iar wart, daz ich den solt geben in daz spital ze Regenspurch, daz do gelegen ist an seinem jartage, denselben weingarten han ich dem vorgenanten spital geaygent ze durchsla'ht auf sant Katherein alter, besuecht vnd vnbesuecht, mit a'chern vnd allem dem daz darzu geh/ort, mit aller meiner erben gunst vnd g/utem willen, also daz ich vnd alle vnser erben furbaz nymmer mer dhein ansprach darauf schulen haben noch enmugen, mit der bescheidenhait, daz der maister des egenanten spitals iarichlichen meins vorgenanten vaters jartach begen schol, mit acht emmern payrichs weins, die si ellev iar tailen schulen vnder die siechen irs spitals. Ich schol auch dem egenanten spital den vorgenanten weingarten versten vnd versprechen an aller stat als aygens recht ist. Darvber ze einem vrchunde, daz ez also sta't vnd vnzerprochen beleib, darvber gib ich disem meinen brief versigelten mit meinem insigel. Dez sint zevge: her Dietreich von Awe, des Gumprehtz aidem, mein aidem der Gozzoltinger, Marquart der Panholcz, Heinr(ich) von Ekkenmul vnd andrer frumen l/aut ein michel tail. Daz ist geschehen do von Christes gep/urt ergangen waren drevzehenhundert iar darnach in dem nevnzehenten iar an allerheyligen tage