Ich Chvnrat der Erdappfel gesezzen an dem Stainweg, burger in der vorstat z/u Regens(purch), mein hausfraw vnd alle vns erben, veriehen vnd tvn chunt allen :I den, dy den brief ansehent oder h/ornt lesen, daz vns vnser gen/adiger herr, her Marttein der Gebenpekch, an der zeit meister dez spitals zu sand Katrein, an dem fvzz der prukk z/u Regens(purch), vnd gemainlich dy samnvng dezselben spitals, irn vnd dezselben spitals aigen weingartten, genant der Wolfpeizz, rechtt vnd redleich z/u rechttem leibding verlihen vnd lazzen habent auf drey leib, auf mein obgenantz Chvnrat dez Erdappfel leib vnd auf meins aydem Perchtolt dez Mawr/ar, gesezzen an dem Stainweg, burger in der vorstat z/u Regens(purch), vnd auf Haylein seiner wirttynn, meiner tochtter leiben, fridleich vnd freilich ynn zu haben, zu besitzzen vnd z/u n/utzzn alz leibtings reht ist, mit der beschaiden, daz wir in vnd dem vorgenanten spital alle jar j/arlich halben wein davon geben vnd mittailen sch/ullen auf dem piet an alle ir m/v vnd sch/aden. Wir s/ullen auch den vorgenanten weingartten pa/wleich vnd wesenlich haltten, vnd s/ullen dez gut pawla/wt sein; vnd ob wir dez nicht t/aten, so sein wir zu hant darnach zu durchsl/achtt geuallen vnd geschaiden von allen den rehten, dy wir darauf haben. Sy habent auch vns dy bescheiden getan, daz wir vollen gewalt haben daz vorgenantt leibting mit ains maisters willen vnd gvnst zu verchauffen vnd zu versetzzen auf dy vorgenanten drey leib mit allen den rehten alz vor verschriben ist, daz vns dy vorgenanten zwen leib, Perchtolt der Mawr/ar vnd Hailein sein hausfraw, daran nichtz engen noch irren sch/ullen, in dhainer weis. Wir veriehen auch, daz wir durch dy lieb Gotes vnd durch daz hail vnserer sel verschafft vnd vermacht haben, der lieben jvnchfrawen sand Katrein vnd den d/urfftigen in dem vorgenanten spital, vnsern gern der gelegen ist an dem vorgenanten weingartten, alz wir den auf dy zeit gemarkcht vnd geraint haben, also daz wir aus dem vorgenanten gern nichtz geben s/ullen dyweil dy vorgenanten drey leib, ir ainer oder mer lebent, vnd wann dyselben drey leib von todes wegen abgent, so ist der vorgenantt gern, in vnd dem obgenanten spital zu durchsl/achtt, zu einem aigen gut veruallen, an alle widerred; auch also, daz daz egenant spital oder wer den gern ye ynn hat, alle jar j/arlich daraus z/u zins geben sch/ullen f/vmf Regenspurger pfenning, dy dann gib vnd g/ab sind z/u Regens(purch) in der stat, in daz haws vnd hofstat daz an den vorgenanten weingartten vnd gern st/ozzt, vnd darynn ich, obgenanter Chvnrat Erdappfel, an der zeit gesezzen pin. Vnd wann dy vorgenanten drey leib, ich Chvnrat der Erdappfel, Perchtolt der Mawr/ar vnd Ha/yl sein hausfraw, nicht mer sein vnd alle drey von dez todes wegen abgen, da Got lang vor sey, so ist in vnd dem vorgenanten spital, der vorgenantt weingartt vnd daz winthaws mit sambt dem pyet, vnd mit alle dew vnd zu dem winthaws geh/ort, nichtz ausgenommen, vnd auch dy miststat vntz an dy mawr, vnd mit sambt dem vorgenanten gern alz wir den auf dy czeit ausgemirkcht vnd geraint haben, allez nach der vorgenanten dreyer leib tod, zu durchsl/achtt ledig vnd los worden, daz dann f/urbas weder vnser erben vnd frewnd noch nyemant anders, darauf noch darnach nichtz mer zu vodern noch zu sprechen haben, noch gewinnen sch/ullen noch enm/ugen, chlain noch gros, in dhainer weis, ausgenommen, ob daz w/ar, daz wir den vorgenanten weingartten auf dy zeit in dem jar gearwaitt hieten daz der wein davon z/u n/uzz chomen m/ocht, dazselb jar s/ullen vnd m/ugen vnser erben den wein wol lesen vnd fantten, dem vorgenanten spital vnd in, in aller der mazz vnd rehten, alz vor uerschriben ist. Daz vnserer vorgenanten herschaft vnd dem egenanten spital, vnd irn nachkommen, daz alles also st/at vnd vntzerbrochen beleib, dar/vber zu einem vrch/und geben wir in den brif besigelten mit des erbergen vnsers richtter insigel, hern Lyenhart des Symons, an der zeit richtter in der vorstat z/u Regens(purch), der daz an den brif gelegtt hat nach vnserer fleizzigen pet, der sach z/u einer gezewkchn/uzz, im vnd seinen erben vnenkolten vnd an schaden, vnd auch vnenkolten der herschaft, vogttey vnd stewr, vnd darvnder verpind ich mich, obgenanter Chvnrat der Erdappfel, mein hausfraw vnd alle vnser erben vnd nachkommen vnuerscheidenlich mit vnsern trewen st/at zu haben, waz an dem brif geschriben stet. Vnd dez allez sind zewgen: her Hainreich der Snoper, burger z/u Regens(purch), Liebhard vnd Zacheus, an der zeit payd pr/obst dez egenanten spitals vnd Hainreich der chelln/ar daselb, vnd ander erberg l/awt. Daz ist geschehen nach Christy gep/urtt drewczehenhvndert jar vnd in dem sechsvndnewntzigistem jar an sand Erhartz tag dez heiligen bischofs.