Ich Chunrat Mair zu Hard, daz gelegen ist in dem Reichen Winchel pey dem K/anstain, vnd Margret mein eleichew :I hausfra/w vnd all vnser erben vnd nachk/umen, bechennen /offenleich mit dem brief allen den, dy in sehent, h/orentt oder lesent, daz wir vns fre/untleich vnd liepleich verricht vnd verteidingt haben mit vnserm gen/adigem herren, hern Martein dem Gebenpechken, zu den zeiten maister dez spitals zu sand Kathrein an dem fuzz der pruchk zu Regensp/urch, vnd gemainchkleich mit der sampn/ung doselbens von dez hoffz wegen zu Hard, darauf wir pisher gesessen sein mit der beschaiden, daz wir auf den vorgenanten hof noch auf allew dew vnd darzu geh/ortt, beder vmb p/awrecht noch vmb zymer, noch vmb dhainerla/y anders, wie man daz erdenchen oder erfinden mag, nichcz zu sprechen noch zu vodern haben in dhainerlay weis, getre/wleich an allz gev/ar; dann allain ausgenomen die wintersat auf dem velld, die schulle wir banten vns sneiden benn dez zeit wirt vnd schullen die f/uren auf den vorgenanten hof, vnd schullen die da auzdreschen, vnd schullen vnserr vorgenanten herschaft vnd dem spital gult vnd dienst davon geben vnd antburten in ir vorgenanczz spital, alz sitleich vnd geb/onleich ist, vnd wenn wir daz allso getan haben, vnd daz wir Chunraden den Erdappfel sein hausfraun vnd sein erben gel/ost haben, hincz vnser vorgenanten herschaft, alz si des einen brief von vns habent, der versigelt ist mit dez vorgenanten vnsers gen/adigen herren, hern Martein dez Gebenpechken insigel, so m/ugen wir waz dann vbrigs do ist, ez sei drayd, stro oder ainf/uren vnd tragen, wo wir wellen an all irr/ung. Ez ist auch zu wissen ob wir daz winterfeld mit chorn oder mit waicz nicht gar ges/at hieten, alz wir daz von recht tun scholden, so mug wir daz auf die vasten die schirft ch/umt bes/aen mit gersten vnd daz dann hallten in aller der mazz, alz vor verschriben ist. Wir sch/ullen auch die vorgenanten sat webaren mit ze/wnen vnd sch/ullen der tre/uleich h/utten vnd warten an alz gev/ar. Dez zu vrch/und geben wir vnserr vorgenanten herschaft den brief versigelt mit dez erwergen hern Hartweigen dez Chr/umpechen, zu den zeiten richter zu Zeidelorn insigel, der daz an den brief gehangen hat, der sach zu einer gezeuchkn/uzz durch vnser fleissigen pet willen, doch im vnd seinen erben vnengollden vnd an schaden, darvnder wir vns verpinden mit vnsern trewn alles daz allso st/at vnd vnzerbrochen zu hallden vnd volfuren, daz an dem brief geschriben stet. Der geben ist, da man zalt von Cristus gep/urt drewczehenhundert jar vnd in dem sechzzvndne/unczigistem jar an sand Ant/onig tag dez heiligen peichtigars.