|IN nomine Domini amen.| Universis Christi fidelibus presens scriptum intuentibus Eberhardus prepositus :| maioris ecclesie Ratisponen(sis) atquec archdiaconus salutem in omnium salvatore. Ut tempus labitur, sic gesta mortalium nisi litterarumd apicibuse subscriptis testibus obtineant firmamentum. Noverint ergo presentes ac posteri, quod Hailwigis mulier in nostri presentia constituta locationem curie sue Yfelstorf, quam videlicet curiam de consensu nostro et consilio pleno iure nemini penitus reclamante hospitali Ratisponensi multos ante annos habendam contulerat atquea possidendam in manus fratris Vlschalci tunc temporis existente magistro hospitalis resignavit pariter et abdicavit sub hac forma, ut frater Vlschalcus vel quicumquef domino vocante successor suus in ipso hospitali exstiterit antedictam curiam ad nutum atquec consilium prefate Hailwigis singulis locet annis. Ea namque hoc modo locata, sive pro frumento, sive pro denariis sepedicta Hailwigis plenos ipsius proventiis recipiat et quoadusque ipsa vivat in signum atque testimonium proprietatis quatuor metretas maioris mensure Ratisponen(sis), que vulgariterg vierhlinch nuncupatur, hospitali singulis annis persolvat, aliqua penuria ulla vere grandinis auth spoliorum seu qualiscumquef pressure occasione non obstante. Post obitum vero Hailwigis mulieris hospitale universos proventus curie sue Yfelstorf ex integro percipiat, quiete possideat atquec in usus suos, prout opus fuerit, disponat. Huius rei testes sunt: Chunradus viceplebanus in Phreimd, Chalhohus miles de Hage, Vlrich Hornpech, Hainrich de Smidgadem, Hugo atquec Ditrich servientes atquec alii quam plures fideles Christi. Ne vero tale donumi aliquam calumpniamk paciatur in posterum ad preces utriusque partis huiusmodi gesta litterisl nostris sigilli nostri munimine roboratis confirmamus.