Ich Vlreich von Abensperch vergich offenbar mit disem brief, daz ich des maisters :I von dem spital ze Regenspurch vnd der herren von dem convent daselben, vnd aller irr helfer guter frevnt worden pin vmb die sach vnd vodrvng, die der alt spitalmaister, pruder Albreht, hintz in ze sprechen het vnd die verschaiden vnd vertaidingt sint nach erberger la/ut schiedvng vnd taiding, vnd dar/vber er auch einen brief hat vnder des bischolfes insigel, vnd vnder des convents insigel, also daz dieselb schiedvng mein wille, gvnst vnd wort gewesen ist, vnd daz ich sev vmb dieselben vodrvng f/urbaz niht hindern noch irren schol, noch wil. Vnd des gib ich in disen brif versigelten mit meinem insigel, der geben ist an sand Pauls tag als er bechert ward do man zalt von Christes gepurt drevtzehenhvndert iar darnach in dem nevnvndviertzigisten iar.