Fridericus dei et apostolice sedis gratia episcopus ecclesie Rat(ispone) universis plebanis, viceplebanis :| et maxime plebano in Monacho iuxta saltum nemus Behemorum ac aliis, ad quos presentes pervenerint, salutem in domino. Noveritis nos omnes decimas novalium existentes in parrochia predicta in Monacho ad nos de iure ordinario spectantes .. magistro et conventui hospitalis sancte Katerine in pede pontis Rat(ispone) commisisse et concesisse, ut iidem .. magistri et conventus auctoritate nostra easdem decimas novalium colligant et in usus proprias convertant tamdiu, quousque ab eisdem duxerimus revocandas. Siquis vero eosdem fratresb in iuribus etc consuetudinibus predictarum decimarum ad nos spectantibus inpedimentum verbo vel facto prestiterit seu prestiterunt, eundem vel eosdem exnunc prout extunc trium dierum canonica monitorem premissa se noverit, seu noverint, ipso facto incursurum sententiam excommunicationis quam ferimus in hiis scriptis. Volumus ut quotienscumque vos plebani .. viceplebani per predictos fratresb ad executionem predicti mandati requisiti fueritis, tociens executioni de mandetis, in contrarium facientes, se noverint sententiam suspensionis ecclesie ab ingressu trium dierum monitorem canonica premissa in hiis scriptis incursurum. Datum Rat(ispone) anno domini Mo CCCo L quinto, feria quarta post dominicam Exurge.