Wir Ludowig von gotes genaden r/omischer keiser, ze allen zeiten merer des reiches, bechennen :I vnd t*un kunt offenlichen mit disem brief, daz wir durch Got vnd heil, vnser vnd vnsrer vordern vnd nachkomen sele, dem meister, der samnung vnd den d/urftigen dacz sand Katherein, des spitals an dem f*uzz der brugke ze Regenspurg, den teil der wisen in der A*w ze Pf/ater den si von La/utwin dem Tollinger von Regenspurg gechaufft habent vnd der von vns vnd dem hertzent*um ze Beiren ze lehen gangen ist, geaygent haben vnd aygen in auch den f/ur vns, vnser erben vnd nachkomen mit disem brief, also, daz si denselben teil der egenanten wisen f/urbaz ewichlichen inne haben vnd niezzen s/ullen als ander ir aigen g*ut. Vnd dar/vber ze einem vrch/unde geben wir in mit vnserm keyserlichem insigel versigelten disen brief, der geben ist ze N/urnberg an samptztag nach sand Viti tag, nach Kristus geburde driutzehenhundert iar darnach in dem f/umfvndviertzigsten iar, in dem ainenvnddreizzigsten iar vnsers reichs vnd in dem achtzehenden des keysert*ums.