Ich Perchtolt Nyemantsgnos, richtter ze R/uchofen, von meiner baider herren wegen von Eglofshaim, vergich offenleich :I an dem br/if allen den, die in ansehent oder h/orent lesen, daz f/ur recht chom do ich saz an offem gericht ze R/uchofen, her R/vger der L/obel vnd der maister von dem spitol ze Regens(purch) vnd boten gerichts, hintz dem pfarrer ze R/vchofen, der hiet in iren zehent verpoten ze R/vchofen, dez si bei nvtzze vnd bei gwer s/azzen vnd in auch tag auf denselben tag aufrecht gegeben warde, do gab frag vnd vrtail, daz man den pfarrer von R/uchofen vodern scholt, der wolt f/ur recht nicht chomen, do bat her R/vger der L/obel vnd der maister von dem Spitol fragen waz recht w/ar, vnd do fragt der richtter, wan er als lang gesezzen w/ar, waz er nv talvngs richttet daz scholt wol chraft haben vnd fragt darnach waz recht w/ar, do ertailt her Fridreich der Weichser von Traubling auf seinen ait, seint der pfarrer von R/vchofen f/ur recht nv nicht enwolt, ez scholt dem L/oblein vnd dem maister von dem spitol ir egenanter zehent wol ledich sein vnd scholden in auch f/uren, vnd scholden sein f/urbaz bei nvtzze vnd bei gwer sitzzen an alle irrvng als si vor habent getan, vnd schol auch der pfarrer den zehent f/urbaz mit dhainem pot niderlegen, hat aber er oder anders iemant hintz in icht ze sprechen vmb denselben zehent, der sol si mit dem rechten darvmb anvertigen, vnd dez ward auch hern Fridreichem dem Weichser geuolget mit dem rechten vnd do gab frag vnd vrtail hern R*vgern dem L/oblein vnd dem maister von dem spitol, ze zevchn/vzze einen gerichttbr/if; vnd die erbergen la/ut, di dez tages vor dem rechten waren: daz ist her Heinreich der Schencht, purgermaister ze Regenspurch, her Sighart der jung von Eglofshaim, her Chvnrat der Lenguelder, her Hans der Denchlinger, R/vger von Erling, Alb(recht) von Prukke, Vlr(eich) sein svn, Perchtolt Denchlinger, der Motzzinger von R/uchofen vnd ander erberger la/ut ein michel tail. Vnd dar/vber ze vrch/vnd gib ich vorgenanter Perchtolt, richtter ze R/vchofen in disen br/if versigelten mit meinem insigel. Daz ist geschehen, do man zalt von Christes gep/urtt drevtzehenhvndert jar, darnach in dem viertzigistem jar an vnser frawn abent ze der schiedvm.