Ich Herweig der Awer, pfleger ze Veldorf, vnd alle mein afterchomen veriehen vnd t*vn chvnt :I offenleich an dem br/if allen den, di in ansehent vnd horent lesen, daz ich mit verdachtem m*ut vnd gantzem willen mein g*ut, daz do haizzet di H/ule, gelegen bei Aschach mit allen den n/vtzzen, di darz*v geh/orent ze dorffe, ze velde, ez sein /akcher, g/arten, /anger, gr/vnt, holtz oder holtzmarch oder swelherlay daz sei, daz z*v dem vorgenanten g/ut geh/ort, besuchtz vnd vnbesuchtz, recht vnd redleich gegeben vnd verchauffet han den erbergen gaistleichen la/uten, dem maister vnd der sammvng dez spitals sand Kathrein an dem f*uzze der prukk ze Regens(purch), vmb sogetan g*ut, dez si mich verricht vnd geweret habent gar vnd g/antzleich an allen gepresten. Si sch/ullen auch daz vorgenant g*ut haben, besitzzen vnd niezzen als ir vreies lediges aigen vnd als ander ir aigen g*ut, daz si habent. Ich han auch in gehaizzen mit g*uten trewen, daz eegenant g*ut ze vertigen, ze versprechen vnd ze vertreten, als ir rechts aigen vnd als dez landes vnd dez gerichts recht ist, in dem ez gelegen ist. W/ar awer, daz si der werschaft mit dem rechten dhainen schaden namen in der vrist, vnd ich in ez ze recht versprechen schol vnd als dez landes recht ist, daz schol ich in abt*vn vnd auzrichten gar vnd g/antzleich an allen iren schaden vnd gepresten. Der sache sint zeugen: her Altman der Rauhenstainer, her Pernger, purger in der vorstat ze Regens(purch), her Leupman vnd her Heinr(eich) der Haituolch, auch purger doselben vnd ander erberger la/ut ein michel tail. Daz daz allez st/at vnd vnzerbrochen beleib, dar/vber ze einem vrch/vnde gib ich in disen br/if versigelten mit meinem insigel. Daz ist geschehen, do man zalt von Christes gep/urtt drevczehenhvndert jar vnd in dem ains vnd vierczigistem jar dez mitichen vor vnser frawn tag ze liechtmessen.