Ich Elspet, hern Chvnrat dez Preczen wytib, dem Got genad, purgerynne ze Regens(purch), vnd alle mein erben veriehen vnd t/un chvnt allen :I den, die disen brief ansehent oder h/orent lesen, daz wir vnser aygen haus, daz gelegen ist in der Z/andinnestrazze nyderthalben hern Fridreichs dez Lautterbekchen haus mit sampt den hofsteten die darvnder gelegen sind vnd mit ellev dev vnd darz/u geh/ort, bes/ucht vnd vnbes/ucht, mit vnserm g/uten willen, nach vnserer frevnt rat, recht vnd redleichen ze durchsl/acht verchauffet vnd geben haben alz chauffes reht ist, dem ersamen manne herm Chvnrat dem Honchmess/ar vnd frawn Dyem*uden seiner hausfrawen, vnd allen iren erben, purgern ze Regenspurch, vmb sechsvnddreizzich pfunt Regenspurger pfenning, der sy vns gar vnd g/anczlich verricht vnd gewert habent mit beraiten pfenning an allen vnsern schaden vnd gebresten, alz verre, daz ich vorgenantev fraw Elspet, hern Chvnrat dez Precz[e]n witib s/aligen, noch alle mein erben vnd nachkomen auf daz vorgeschriben haus vnd hofstet noch auf allev dev vnd darz/u geh/ort, bes/ucht vnd vnbes/ucht, dehain ansprach n[o]ch dehain vodervng nicht mer haben noch gewinnen sch/ullen, noch enm/ugen, chlain noch groz, f/urbaz nimmer mer noch anders niemant von vnsern wegen, darz/u haben wir in gehaizzen vnd gelobt mit g/uten trewen, daz wir in daz egenant haus mit sapt de[r h]ofsteten darvnder vnd swaz darz/u geh/ort, bes/ucht vnd vnbes/ucht, versten vnd versprechen sch/ullen vnd auch wellen mit dem [rechten] alz rechttes aygens vnd der stat reht ist hie ze Regens(purch), swo vnd alz offt in dez not geschieht an allen iren schaden; t/aten wi[r dez] nicht, swelhen schaden sy dez nement mit dem rehten, den sch/ullen wir in vnuerschaidenlichen abt/un vnd widerchern, gar vnd g/anczlichen, [on] allen iren schaden vnd gebresten, vnd si sch/ullen auch denselben schaden haben auf vns vnd auf aller vnserer hab, di wir haben, s[wo] wir di haben vnd swie di genant ist, bes/ucht vnd vnbes/ucht. Daz in daz allez also st/at vnd vntzerbrochen beleib, dar/vber z/v einem vrch/vn[d] vnd z/u einer best/atichait, geben wir in den gagenw/arttigen brief versigelten mit dez erberigen, vnsers rechten rychtter insigel, hern Otten dez Woller, ze den zeiten schulthaizze ze Regens(purch), der sein insigel an den brif gelegt hat nach vnserer fleizzigen pet dez vorgeschriben chauffes z/u einer gezeuchn/uzze, im selber vnenkolten, vnd darvnder verpinden wir vns obengenant, ich Elspet, hern Chvnrat dez Preczen witib s/aligen, vnd alle mein erben mit vnsern trewen allez daz ze laisten, ze volf/uren vnd st/at ze behalten, swaz an dem brief geschriben stet, g/anczleich an allez geu/ar, wan wir aygens insigels niht enhaben. Vnd dez sind gezeug: her Chvnrat der /Atinger, her Dyetreich der Zollner, her Hainreich der Zollner vnd Chvnrat der Sayl/ar von S/vnching, purger ze Regens(purch), vnd ander erberiger l/aut ein michel tayl. Daz ist geschehen nach Kristes gepurtt dreuczehenhvndert jar vnd in dem sechczigisten jar an dem pfingst abent.