Ich Ortlieb der Tr/ubenpech vergich offenleich an dem br/if allen den, di in ansehent :I oder h/orent lesen, daz ich gehaizzen han den erb/argen gaistleichen l/auten, dem maister vnd dem convent dez spitals ze Regens(purg) f/ur meinen pruder Frid den Tr/ubenpechen, dem si den orden dez spitals gegeben habent durch Got vnd auch durch hern Heinr(eich) dez Hautzendorffers, vicztum ze denselben zeiten in obern Bayern vleizziger bet willen mit der beschaiden also, swaz der egenant mein pr/uder gelts hinder im leit, daz di egenanten gaistleich l/aut von dem spital damit unbechvmert sch/ullen beleiben. Gesch/ach aber, daz si dez dar/vber dhainen schaden n/amen, den gehaizze ich in ab ze t/un gar vnd g/anczleich an allez geu/ar, vnd dar/vber ze einem vrch/vnd gib ich in disen br/if versigelten mit meinem insigel. Daz ist geschehen, do man zalt von Christes gep/urtt drevczehenhvndert iar darnach in dem nevnvnddreizzigisten iar an sand Torathee tag der heiligen iunchfrawn.