Ich Vlreich der Lad/ar bechenn vnd t/un ch/unt offenbar mit dem prief allen den, die in sehent, h/orent oder lesent, daz ich :I mich liepleich vnd frewntleich veraint, verricht vnd verteidingt hab auf ein gantz end mit dem erbergen Liebhartten dem Prettpechken, an der zeit maister dez spitals sand Kathrein, an dem fuezz der pruchk zu Regenspurch, vnd auch mit der gemain dez conventz doselben, vmb all zwile/wf, zuspr/uch, vodr/ung vnd handlung die ich vnd mein vater s/aliger hintz in vnd hintz irem spital gehabt haben, wie sich die erloffen vnd ergangen haben nichtz auzgenomen vncz auf disen he/wtigen tag, also daz die im furbaz hin vnd ab sullen sein vnd furbaz nicht mer ge/avert noch gemelt sullen werden, weder wenig noch vil, weder von mir noch von anders iemantz von meinen wegen, dann allain daz ez im ein gantzew aynung vnd ein gutew frewntschaft sol sein zwischen mein, meiner erben vnd nachkomen, gein in vnd gein dem vorgenanten irem spital vnd auch gein dez spitals le/wten vnd guten, wo si die haben, an gev/ar, nichtes auzgenomen. Vnd ob daz w/ar, daz ich oder anders iemant von meinen wegen mit in kriegten oder rechtent wider den gagenburtigen prief, ez w/ar mit recht oder an recht, geistleichem oder wertleichem oder mit vrchund, anderr brief die sullen all tod vnd ab sein wider den prief vnd sullen daz gewvnnen vnd wehabt haben, an aller stat vnd zu aller stund vnd wir verloren. Der sach sind zewgen: die erbergen Andre der Goppolt vnd Erhart der Fleischman, ped burg/ar vnd gesworen in der vorstat. Daz in vnd irem spital daz alles also stat vnd vnzerprochen weleib, dez zu vrch/und gib ich in den brief besigelten mit dez erbergern Lienhartten dez Symons, an der zeit richtar dez hofs der vorstat zu Regenspurch, anhangenten insigel, daz er durch meiner fleizzigen pet willen an den brief gehangen hat, im vnd seinen erben vnd nachkomen vnengolden vnd an schaden. Daz ist geschehen do man zalt von Cristi gep/urt drewtzehenhundert jar vnd darnach in dem newnvndnewntzigistem jar an sand Gregorgen tag in der vasten.