Ich Gerhart der Polster vnd ich Hanns der /Vrsinger, vnser hawsfrawn vnd all vnser erben vnd nachkommen, veriehen vnd tun :I chunt allen den, die den brif ansehent oder h/ornt lesen, daz wir vns mit veraintem rat vnd mit gutem willen liepleich vnd frewntlich verricht vnd verteidingt haben auf ein gancz end, mit dem spital, mit dem spitalmaister vnd mit dem conuent dezselben spitals sand Katrein, an dem fuzz der prukk ze Regens(purch), vnd mit dez spitals pflegern vmb all di auflauff, chrieg, ansprach vnd vodrung, di wir hincz in vnd hincz irem spital gehabt haben vnd waz wir darvmb gen in vnd gen den iren gehandelt vnd getan haben mit widerpot, mit prant vnd mit beschaczz/ung oder mit andern sachen, wie sich daz allez verlauffen vnd vergangen hat. Vnd f/ur diselben chrieg, ansprach vnd vodrung ist vns enleich gelt von in geteidingt worden, dez si vns genczleich verricht vnd gewert habent, daz wir dez nicht schaden genommen haben, vnd wir sein auch darumb ir vnd aller der iren gut gantz getrew frewnt worden, on allez geu/ar, als verre, daz wir noch all vnser erben vnd nachkommen noch yemant anders von vnsern wegen, von der sach wegen, di sich vergangen habent vncz auf den tag heut hincz in noch hincz irem spital, noch hincz allen iren la/uten vnd guten, nicht mer ze uodern noch ze sprechen haben, noch gew/ynnen s/ullen noch enm/ugen, weder mit gaistleichem noch werltleichem rechten noch on recht, noch in dhainerlay weis, chlein noch groz, f/urbaz nymmer mer wan wir vns dez allez ze durchslecht verzeihen mit dem gagenb/urtigen brif, als wir in daz allez gehaizzen vnd gelobt haben mit vnsern ayden vnd trewn, on allez geu/ar. Daz in daz allez also st/at vnd vnzebrochen beleib, dar/vber zu einem vrchund vnd zu einer pezzern sicherhait, geben wir in den brif versigelten mit dez vesten ritter hern Otten dez Zenger von Prukkperch vnd mit seins suns hern Hannsen dez Zenger zu Ekkenm/ul insigeln, di paid irew insigel an den brif gelgt habent nach vnsrer vleizzen pet, der sach zu einer gezewkchn/uzz, in peden vnenkolten, darvnder wir vns vnuerschaidenlich verpinden mit vnsern trewn st/at ze halten waz an dem brif verschriben ist, wan wir nicht aygner insigel haben. Der sach sind teydinger gewesen: der vorgenant her Ott der Zenger vnd her Hanns sein sun, vnd her R/uger der Weidn/ar, purger ze Regens(purch), vnd Ott der Tumair, zu den zeiten dez spitals bereiter. Daz ist geschehen nach Cristi gep/urtt drewczehenhundert jar vnd in dem viervndsybenczgisten jar dez nochsten tagz nach sand Veitz tag.