Ich Perchtolt vom Pach, gesezzen ze Reinhausen, mein hawsfraw vnd all vnser erben vnd nachkomen veriehen vnd tun chunt allen :I den, di den brif ansehent oder h/ornt lesen, daz vns her Fridreich der Slaikch, zu den zeiten maister dez spitals sand Katrein, an dem fuzz der prukk ze Regenspurch vnd di samung doselben von iren genaden vnd nach vnsrer vleizz(en) pet, lazzen habent ir zwen aygen ledig /akcher, di gelegen sind ze R/anhawsen an dem Galgenperg, di vor zwo seczz gewesen sind mitsambt der mawr di darvmb get, von liechtmess di nochst hin ist, /vber zehen gantzew jar di nochst nacheinander chomment, fridleich vnd freileich ze besitzzen, ze niezzen vnd ze n/uzzen, mit der beschaiden, daz wir in vnd irem spital allew jar j/arleich davon ze zins antwurtten vnd geben sullen, zwenvnddreizzikch Regenspurger pfenning, ye an sand Michels abent oder an seinem tag, Regenspurger pfenning, di dann gib vnd geb sind; vnd welhez jars vnd als offt wir in daz vers/azzen, ye als offt, s/ullen wir in denselben zins geben mit der zwispild nach purkchrecht, on allen chrieg vnd widerred, vnd ob wir in di zwispild auch vers/azzen, welhen schaden si dez nemment, dezselben schadens allez, mitsambt dem zins vnd der zwispild s/ullen vnd m/ugen si von vns vnd von allen vnsrer hab, besuchtt vnd vnbesuchtt, bechommen mit gaistleichem oder werltleichem rechten, oder on recht, vor allen andern la/uten, wann vnd wie si wellent. Vnd wann di vorgenanten zehen jar auz chomment vnd vergangen sind, so sind in di vorgenanten zwen /akcher mitsambt der mawr vnd mit aller zugeh/orung ze durchslecht, ledig vnd loz worden, daz si di f/urbaz lazzen mügen wem si wellent, als verre, daz wir noch all vnser erben vnd nachkommen, darauf noch darnach dhain ansprach noch voderung nicht mer haben noch gewynnen s/ullen, noch enm/ugen, weder mit gaistleichem noch werltleichem rechten, noch on recht, chlain noch groz, f/urbaz nymmer mer noch anders yemant von vnsern wegen; vnd vmb wew wir dar/vber mit in chriegten oder rechten, daz s/ullen si allez behabt haben vnd wir verlorn haben. Vnd dar/vber zu vrchund geben wir in den brif versigelten mit hern Wernten dez Salrer, zu den zeiten richter in der vorstat zu Regenspurch, insigel, daz er an den brif gelegt hat nach vnsrer vleizz(en) pet, der sach zu einer gezewkchn/uzz, im on schaden vnd vnenkolten der herren vogtey vnd stewr, darvnder wir vns verpinden mit vnsern trewn stet ze halten waz an dem brif verschiben ist. Dez sind gezeug: Wernher der Awnchofer vnd Ott der Elmawer, vnd Lienhart der schreib/ar. Daz ist geschehen nach Cristi gepurtt drewczehenhundert jar vnd in dem viervndsybentzgisten jar dez nochsten montagz vor sand Johanns tag ze sunbenten.