Ich Dytreich der Awa'r ze Stefning vnd ich Peters sin havsfra/w vnd all vnser eriben :I veriehen vnd t/vn ch/vnt allen den, di disen prief ansehent oder horent lesen, daz wir vnser haus vnd hofstat, gelegen an der Prvnnlaitt gegen dez Rokinga'rs haus vber vnd vnser leipting gewesen ist, von dem spitol ze Regenspurch recht vnd redlich ze durchsla'ht ze chauffen geben haben Hainreich dem Illenchofa'r, siner havsfra/wn vnd sinen eriben vmb pfenning, der si vns verrihtt vnd gewert habent mit allen den rehten vnd n/vczzen, als wir ez inn gehabt haben vnd als als(!) div hantfest sagt, di wir dar/vber gehabt haben von dem spitol ze Regenspurch, di wir in geantwurtt vnd gegeben haben, vnd sch/uln auch in daz egenant haus vnd hofstat veranttwurten vnd versten, als reht ist. Wir verzeihen vns auch mit disem prif, daz wir nimermer dehain ansprach noch vodervng haben sch/vln noch m/vgen hincz dem vorgenanten haus noch hincz der hofstat darvnder, vnd daz in daz also st/at vnd vnzebrochen beleib von vns. Dar/vber zv einem /vrchvnd vnd zv einer sta'ticheit geb wir in disen prief, ich oben genanter Dytreich der Aw/ar, versigilten mit minem insigel; vnd ist geschehen, do man zalt von Christes gep/urtt tausent jar drevhvndert jar vnd darnach in dem virczigistem jar dez nohsten pfintztags in der osterwochen.