Rudolfus dei gratia comes palatinus Reni dux Bawarie nobilibus, vicedominis, iudicibus, :I officialibus et servitoribus suis, qui nunc sunt vel pro tempore fuerint universis gratiam suam et omnem bonum. Cum nos Ottonem Chrandorferium quondam vicedominum nostrum cum prediis, possessionibus et rebus suis universis in nostram gratiam et protectionem receperimus specialem mandamus vobis gratie nostre sub obtentu firmiter iniungentes, ne predictum Chrandorferium in se aut rebus atque possessionibus sive quibuscumque presumatis preter iusticiam aliqualiter agravare, sed pocius, si necesse fuerit ipsum, ac res suas seu possessiones a quorumlibet iniuriosis insultibus nostro nomine viriliter defendatis inde que nobis obsequium exhibebitis valde gratum. Datum Ratispone anno domini millesimo trecentesimo nono, quinta feria in ebdomada pentecostes.