Nicolaus dei gracia ecclesie Ratispon(ensis) episcopus universis decanis plebanis ac aliis ecclesiarum rectoribus per :| Ratispon(ensem) dyocesim constitutis salutem in domino Ihesu Christo innotuit nobis quod quidam ex nobis dilectos fratres hospitalis nostri Ratispon(ensis), cuius promociones favore prosequimur speciali, ad vos pro colligendis elemosinis venientes occasione aliorum collectorum seu petencium interdum repellunt et admittere contradicunt vel si quando admissi fuerint tam per vos quarum ecclesiarum vestrarum procuratores qui Zehmaister vulgariter nuncupantur a immoderata porcio requiritur et recipitur ab eisdem. Quare vobis universis et singulis in virtute sancte obedience et sub pena suspensionis officiorum precipimus firmiter et districte quemadmodum vobis eciam dudum mandasse meminimus quatenus non obstante qualibet suspensione collectionis elemosinarum quocumque tempore per nos facta vel facienda seu eciam alio quolibet petente exceptis nunciis nostre kathedralis ecclesie quos omnibus aliis preferri volumus ipsos fratres decetero quociens ad vos venerint admittere in suis petitionibus debeatis nec eciam collectarum per eos elemosinarum aliquam recipiatis vel per predictos procuratores permittatis recipi porcionem nisi de ipsorum fratrum bona et spontanea voluntate vobis vel eisdem aliquid fuerit erogatum si vero dicti Zehmaister desistere noluerint a requisitione huiusmodi elemosinarum seu porcionum earundemb eos ad hoc per subtractionem divinorum per vos compelli volumus et artari prefatum eum hospitalem per vos tanto maiorum diligentia diligimus et petimus in suis negotiis omni tempore promoveri quanto eidem forcior incumbit necessitas ex multitudine qua frequenter deprimitur infirmorum. Nos eciam omnibus vere penitentibus et contritis, qui predicti hospitalis infirmis suas elemosinas dederint quadraginta iniuncte sibi penitencie misericorditer in domino relaxamus. Ratas et gratas habentes indulgencias alias a quibuscumque dominis archiepiscopis seu episcopis predictorum infirmorum traditas et concessas. Datum in Stauff Vto Iden Marcii anno domini millesimo CCCmo et quadragesimo.