Fridericus dei et apostolice sedis gratia episcopus ecclesie Ratisponen(sis), universis abbatibus, prepositis, decanis, plebanis, viceplebanis :| ac aliis ecclesiarum rectoribus per dyocesim Ratisponen(sem) constitutis salutem in domino sempiternam. Libenter necessitatibus et indulgenciis personarum miserabilium, quantum nobis ex alto conceditur, consulere et providere curamus. Recensentis quod non erit oblivio pauperum, exurget dominus, quodque fiducia magna est coram summo deo, elemosina omnibus facientibus, eam testimonio scripturarum. Et quod, ut ait apostolus, omnis stabimus ante tribunal omnipotentis dei recepturi prout in corpore gessimus, sive bonum fuerit, sive malum. Cum igitur hospitale trans pontem Rat(isponensem) situatum a predecessoribus nostris in honoriea beate Katherine constructum intollerabilium honustatem debitorum oppressumb ad praesens sit et involutum in tantum. Ut nisi prompte aliquo caritativo subsidio de vestra filiali benivolencia succurratur eidem hospitali predicti non adiciet ut resurgat. Quocirca dilectionem vestram affectuose rogamus, monemus et requirimus in domino Iesu Christo atque in remissionem iniungimus peccatorum, quatenus de bonis a deo vobis datis pias elemosinas et grata caritatis subsidio errogetis eisdem, ut per subvencionem vestram ipsorum inopie consulatur, et vos per hec et alia bona, que domino inspirante feceritis, ad eterna possitis gaudia pervenire. Nos enim omnibus vere penitentibus et confessis, qui multitudini pauperum et infirmorum in hospitali predicto degencium suas elemosinas fuerint elargiti, aut alia quecumque beneficia inpartiti fuerint karitatis, quadraginta dies de omnipotentis dei misericordia et beatorum apostolorum eius Petri et Pauli auctoritate confisi de iniunctisc sibi penitenciis relaxamus. Confirmamus quoque et ratas habemus omnes indulgencias st gracias a quibuscumque archiepiscopis vel episcopis eidem hospitali traditas et concessas. Inhibemus autem, ne pretextu huiusmodi gratiae staciones fiant publice aut ullus questuarius admittatur, sed solum concesse indulgencie, cum eiusdem hospitalis indigenciis exponantur. Cuilibet etiam vestrum in remissionem iniungimus peccatorum et mandamus, ut negocium dicti hospitalis velitis in vestris parochiis et ecclesiis quantum potest fideliter et efficiterd promovere. Presentibus a data earum usque ad tres annos continuos valituris et non ultra. Datum Ratispone anno domini millesimo CCCo LXImo, in crastino octava epiphanie domini.