Ich Hiltprant der Ruemtinger, mein hawsfaw vnd vnser erben :I veriehen offenleich an dem brief allen di in sehent, h/orent oder lesent, daz vnser lieber sweher Dietreich der Haybeck, dem Got genad dvrch seiner selhayl willen hat gemaht dem spital ze Regens(purch), den armen d/vrftigen darinne, ein hofstat auz vnserm hof ze Sla'mring der vns von im waren ist, vnd diselb hofstat gilt alle iar XXIIIIor pfennigen, davon man im alle iar sol seinen iartag wegen mit einer vigils vnd mit einer selmess, alle weg dez na'hsten tag nach sand Niklas tag vnd wann si daz /vberf/vren, daz si dez niht entaten, daz man im den iartag niht wegieng in dem spital ze Regens(purch), daz si dez /vberwa'rt w/uren, so solt dis hofstat f/vrbaz in daz spital ze Kamb geh/oren, vnd ma'hten si dhain ansprach darauf nimmer mer gewinnen, weder an reht noch mit reht, wann si awer den iartag alle iar wegent als vorgeschriben ist, so s/vlle wir noch alle vnser afterchvmpft nimmer mer dhain ansprach noch vodervng gewinnen auf di egenant hofstat; wez wir auch mit in darvben ze chrieg w/uren ez wa'r vor gaistleichen oder vor werntleichen rehten, daz hab wir allez verlorn vnd si gewunnen. Dar/vber zu ainen vrchvnd gib ich vorgenanter Hiltprant der Ruemtinger, f/vr mich, f/vr mein hawsfrawen vnd f/vr vnser erben in disen brief versigelten mit meinem insigel. Der brief ist keben, do man zalt von Christez gepvrd drevzehenhvndert iar in dein aynvndfvn(czb)istem(?) jar an sand Gregorii tag.