Ich Perchdolt der /Ochsel, an der zeit hofmaister dez hofs zu /Ahaim mein hawsfraw vnd all vnser erben vnd nachkvmen, wechennen vnd t/un ch/unt offenleich mit dem prief allen den, die in sehent oder horent lesen, daz wir vns liepleich vnd frewntleich veraint, verricht vnd verteidingt haben auf ein gantzentt mit vnserm lieben herren Liebharten dem Prettpechken, zu den zeiten maister dez spitals sand Kathrein an dem fuezz der pruchk zu Regenspurch, vmb all zuspruch, vodrung vnd handlung, die wir hintz vorgenanten spital gehabt haben wie sich erlosfen vnd ergangen haben, ez sei von lons wegen oder von anderlay sach wegen nichtz auzgenomen vmb ein sogetan gut daran vns wol genougt(?) vnd ein gantz wol gevallen daran gehabt haben vnd die er vns auch mit weraiten pfening gantz vnd gar gericht vnd gewert hat, zu rechter weil vnd zeit an all vnser m/ue vnd schaden, allso daz die all hin vnd ab sch/ullen sein, furbaz nicht mer geanert noch gemelt schullen werden, weder von vns noch von vnsern erben vnd nachchvmen in dhainerlai weis an gev/ar. Der sach sind teidinger gewesen dy erbergen Vlreich der P/achkenr/ewter vnd Zachens der M/ulfelld/ar, ped probst in dem egenanten spital zu Regens(purch), daz im vnd dem vorgenanten spital, daz von vns alsso stat vnd vnzeproch weleib geben wir im den prief versigelt mit dez erbergen herren Hansen dez Hillprantz, an der zeit herr vnd richtar zu R/uchofen, anhangentem insigel, der daz durch vnser fleissigen pet willen an den prief gehangen hat, im vnd seinen erben vnd nachchvmen vnengollden vnd an schaden. Daz ist geschehen nach Cristi gepurtt drewtzehenhundert iar vnd darnach in dem sibenvndnewtzigistem jar an sand Stephans tag dez lieben heiligen.