Ich Palbein der Sneid/ar zu osten, burger zu Regens(purch), mein hausfraw und all vnser erben vnd :I nachkomen bechennen /offenleich mit dem brief allen den, die in ansehent, h/orent oder lesent daz vns Liebhartt der Prettpekch an der zeit maister dez spitals sand Kathrein an dem f/uezz der prukch zu Regens(purch) vnd gemainkleich die samnung doselben nach rat, gunst vnd wizzen irer obristen von den kor vnd von dem rat der stat zu Regens(purch) recht vnd redleich verlihen vnd lazzen habent iren vnd dez spitals aigen weingartten genant der Santt vnd liget gegen Saler /vber auf mein obgenanten Palbein dez Sneid/ars leib vnd auf Fridreich dez Sneidars sun von P/arbing meinem aidem auf vnser paider leib fridleich vnd freileich inn zu haben zu wesitzen, zu niessen vnd zu nutzen alz leibtings recht ist all die weil vnd wir vorgenant leib dann paid leben oder vnser ainer mit der weschaiden daz wir obgenant ped leib oder vnser ainer der dann lebt den vorgenanten weingartten pewleich vnd besenleich sellen halten vnd verbesen s/ullen mit mistt, mit stekken, mit erd tragen, mit lesen mit pietlon vnd mit aller arbeit svmer vnd vinter nichtz auz genomen alz p/awes vnd g/uter p/ewl/ewt recht ist an alles gevar vnd an all ir m/ue vnd schaden. Wir sullen auch in vnd irem vorgenanten spital aller iar iarleich davon dienen geben vnd mittailen ye den virden emer veins alz vil dann weins an dem vorgenanten irem weingartten wirt vnd auch iarleich vor dem piet an all ir m/ve vnd schaden. Si sullen vns auch iarleich geben misttz genung vnd den sullen si vns furen fur den weingartten an all vnser m/ue vnd sch/aden, wir sullen auch den selben mist in dhainerlai veis anders nutzen noch anderswo hin f/uren dann daz er beleiben sol pei dem vorgenanten irem weingartten. Si sullen vnd m/ugen auch iarleich in iren weingatten senden vir erberg man die dy arbeit erchennen daz si den vorgenanten weingartten schawn vnd schatzen sullen nach iren tr/awn ob wir dem spital hilfleich vnd n/utzleich sein an irem weingartten. Swelchs iars sich erfund daz wir dem vorgenant weingartten nicht redleich verwaren mit aller arbeit vnd daz wir in nicht p/ewleich vnd besenleich hielten vnd stelten alz vor verschriben ist, so sei wir zu hant darnach ob geschaiden von vnserm vorgenanten leibting vnd von allen vnsern rechten, also daz weder wir noch anders iemant von vnsern wegen auf den vorgenanten weingartten vnd waz darzu geh/ort vnd wem si in f/urbaz lazzen, dhain ansprach noch vodrung nicht mer haben noch gewinnen sullen noch enm/ugen in dhainer weis. Wir sullen noch enm/ugen auch vnsrew obgenanten leibting vnd recht weder verch/vmern, verchawfen noch versetzen an der vorgenanten dez spitals pfleg/ar vnd obristen vnd auch an eins maisters willen, wizzen vnd gunst der dann ie zu der selben zeit spitalmaister ist vnd ob vir darvber anders icht handelten oder taten, haimleich oder /offenleich, daz sol nicht kraft noch f/urgankch haben bider den gagenburtigen brief. Si sullen vns auch ab dem egenanten weingartten furen dew (weintzer ?) zu einem winthaws vo vns daz gelegenleich ist an all vnser m/ue vnd sch/aden vnd ob auch daz w/ar daz wir nicht hielten alz verschriben ist swelchs iars wir daz vber f/uren daz wissenleich war darnach so (.?.) dem spital vervallen zu einer pein ain pfunt Regens(purger) pfening an alle widerred vnd ob wir nit gutz p/awl/ewt sein vnd vnser lebtag mit irem gutem willen vnd g/unst weleiben wann wir im von todes (wegen ?) ab gegangen vnd nicht mer sein, da got lang vor sei, so ist in vnd irem spital der vorgenant weingartt mit allew pew vnd mit allen eren rechten vnd nutzen vnd mit aller zugehorung zu durchsl/achtz ledig vnd los wordendaz wir noch anders yemant von vnsern wegen furbaz darnach dhainerlei (ge...?) ansprache noch vodrung nicht mer haben noch gewinnen sullen noch enm/ugen weder mit recht noch an recht, geistleichen oder wertleichen in dhainer weis, vnd ob wir darvber mit in kriegten oder rechten oder ander yemant von vnsern wegen, daz haben si an aller stat gewunnen vnd wehabt vnd wir verloren, dorvber zu vrchund geb wir in den prief versigelten mit dez erbergern meins richt/ar insigel hern Hannsen dez Gvmprechtz an der zeit schulthaiss zu Regens(purch), daz er an den brief gelegt hat nach meiner fleizzige pet in vnd seinen erben vnengolten vnd an schaden darvnder wir verpinden stat ze haben waz an den prief geschriben stet. Daz ist geschehen nach Cristi gep/urt drewtzehenhundert jar vnd darnach in dem achtvndnewtzigistem iar an sand Peters tag zu der kettenfeir in der vasten.