Ich Vlreich Sweybr/ar, z/u den zeiten gesessen z/u Wallchofen, mein hawsfra/w vnd all vnser erben, bechennen offenleich :I mit dem brief, f/ur vns, f/ur all vnser erben vnd nachk/omen, das vns der gaistleich vnd wirdig herr Pawls von Althaim, z/u den zeiten maister des spitals sand Kathrein, an dem f/uzz der prugch z/u Regens(purg), vnd der gancz conbent doselbs, irer vnd des egenant spitals aigen ledigs vnd freyes g/ut z/u Wallchofen gelassen hieten nach vnserer fleissigen pet willen auf drew ganczew jar die sich n/u z/u liechtmess schierst ch/unftig nacheinander verloffen vnd vergangen haben, dez selben g*utes vnd hofs mit aller seiner z/ugeh/or, z/u vellde, z/u dorffe, wir vns ledicleichen gancz vnd gar verzigen haben vnd auch verczeichen mit dem gagenburtigen brief, alz wir in selb dew egen(an)t drew jar inn gehabt haben, nichtz awsgenomen noch hindan geseczt, alz verre vnd alz fr/untlichen, daz wir auf dazselb egen(an)t g/ut noch von des g/utz wegen, hincz dem egen(an)t herrn Pawlsen von Althaim, hincz dem spital, hincz allen seinen nachk/omen noch hincz allen seinen la/wten, g/ulten vnd g/uten, wo sy dew haben gemainkleich oder s/underleich, dhain ansprach noch vordrung nimmer mer ziechen, bringen noch gehaben s/ullen noch enm/ugen, weder mit gaistlichen oder wertlichen rechten noch an recht, klain noch gross, f/urbaz nimmer mer noch anders niemand von vnserm wegen in dhainer weiz. Vnd ob wir da/uber oder niemand anders von vnsern wegen, mit in kriegten oder rechten, mit recht oder an recht, daz geben wir in alles stat vor allen la/wten behabt vnd gewunnen, vnd vns gein in g/anczlichen mit dem gagenburtigen verlorn on all widerred vnd an ander allew beredn/uss. Daz in daz alles st/at gancz vnd vnzerbrochen beleib, dez z/u vrchund geben wir in den brief versigelt mit des erbergen vnd weisen herrn Chonrat dez Ha/wffleins von S/unching insigel, z/u den zeiten des vesten ritter, herrn Dietrich dez Hof/ars wirt zu S/unching, das er an den brief gelegt hat, von vnser vleissigen pett willen der sach z/u einer gez/ugchn/uss, im vnd seinen erben an schaden vnd vnengolten. Der sach seind zewgen vnd taidinger gewesen: Chonrat der egen(an)t Ha/wffel, Berchtold der Wishan von Wallchofen vnd ander erberger la/wt gen/ugch. Datum et acktum, domini millemo ccccmo secundo in vigilia Thome app(osto)li.