Ich Nicla der D/orner, di zeit wirt zu Gr/afentrawspach, vnd ich Agnes sein hawsfraw, ich Albrecht, ich Vlreich, ich Wernher :I vnd ich Osann, allew geswistrigeyd, Andre des Meinharts ze /vttenchofen seligen chinder, vnd alle vnser erben vnd nachkommen, veriehen offenleich mit dem brif, daz wir vns mit vereintem gutem willen nach frummer la/wt rat liepleich vnd frewntleich verricht vnd verteidingt haben auf ein gancz ennd mit Chunnradt des Chawfmanns sun von Waltchofen, vmb alle di ansprach vnd vodrung di wir hintz im gehabt haben von geltschuld vnsers lieben sweher vnd vater, des vorgenanten Andre Meynharts von /Vttenchofen seligen wegen, wie daz genant ist oder wie sich daz verlawffen vnd vergangen hat, vntz auf den tag hewt daf/ur vns ain solich gelt von im gesprochen vnd geteidingt ist worden, des vns wolben/ugt vnd des er vns awch gentzleich bezalt hat on all vnser schaden vnd gepresten, als verre, daz wir noch alle vnser erben vnd nachkommen hintz im, hintz seiner hawsfrawn noch hintz allen iren erben vnd nachkomen, noch hintz allen irer hab, besucht vnd vnbesucht, dhain ansprach noch vodrung nicht mer haben noch gewinnen sullen noch enm/ugen, weder mit geystleichem noch werltleichem rechten noch on recht, chlain noch groz, furbas nymmer mer noch anders n/yemant von vnsern wegen in dhain weis. Vnd ob wir oder yemant anders dar/uber mit in chriegten oder rechten, mit geystleichem oder werltleichem rechten oder on recht, daz habent si alles an aller stat behabt vnd gewunnen vnd wir verlorn. Vnd daruber zu vrchund geben wir in den brif besigelten mit des weysen vesten ritter, hern Dietreich des Hofer, herre zu S/unching, insigel, daz er an den brif gelegt hat nach vnser aller vleyszigen pet, der sach zu ayner geze/ugn/usz, im vnd seinen erben on schaden vnd vnenkolten, darvnder wir vns allew vnuerscheidenleich verpinden mit vnsern tre/wn stet zu halten was an dem brif verschriben ist. Der sach sind teidinger gewesen: Perchtold der Wysha/y z/u Waltchofen, R/uger Moshaymer zu Moshaim, Karel der Frieshaymer zu Malhenstorff vnd der P/uchsee[r] zu Ekkenm/ul vnd ander erberig lawt. Daz ist geschehen nach Cristi gepurt vierczehenhundert jar vnd darnach in dem andern jar an sand Veits abent des heiligen martrer vnd nothelffer.