Ich Ch*vnrat von Hayda*we vergich vnd t*vn chvnt allen den, di disen br/if ansehent oder h/orent lesen, daz ich mit gantzer erchautn/vzze vnd mit :I meinem g*uten willen, eingeantwurtt vnd geben han, meiner lieben havsfra*wen, vern Agnesen, dev vogtay /vber daz dorf ze Scheyren, daz recht lehen ist von meinem herren ze sand Haymeram ze Regenspurch, dev gilt zehen schaf chorns, vier schaf habern vnd ainlefthalben schillinch Regenspurger pfenning vnd avch daz g*ut ze H/vrelbach, daz recht aygen ist; vnd dez solman ist her Albrecht von Savlberch, richter ze Stravbing, vnd gilt zwelif schaf chorns, zwai schaf waitzen, zwai schaf gersten vnd ne*wn schaf habern, vnd zwai gemastev swein vnd andern chlainen dienst, vnd darz*u den hof ze Magnolting der recht zinslehen ist von meiner fra*wen, gena'digen fra*wen, der abtessinne ze Niderm/vnster ze Regenspurch vnd gilt ain jar achtzehen schaf allerlay traydes, daz ander jar sechtzehen schaf vnd daz dritt jar viertzehen schaf vnd avch andern chlainen dienst. Vnd dev g*ut han ich ir ellev eingeantwurtt vnd geben mit nvtz vnd mit gewer, vnd mit ellev dev darz*v geh/ort, ze velde, ze holtz vnd ze dorffe, besucht vnd vnbesucht; vnd der vorgenanten g*ut aller, ist mein lieber swager, her Friderich der Lengvelda'r, purger ze Regenspurch, meiner lieben havsfra*wen, vern Agnesen, getriwer trager vnd ir behalter. Vnd ez hat avch der vorgenant her Friderich der Lengvelda'r, mein swager, dev vorgenanten g*ut ellev enpfangen, dev lehen sint mit lehenherren hant vnd dev aygen sint mit solmans hant, als er durch recht scholt. Darz*v vergich ich fra*we Agnes, hern Ch*vnratz havsfra*we von Hayda*we, vnd ich Ch*vnrat von Hayda*we ir wirt, offenleichen an disem br/if daz wir vnserm liebem swager, herm Friderich dem Lengvelda'r, seiner havsfra*wen vnd iren eriben, purgern ze Regenspurch, vnuerschaidenlichen z*ueinander schuldich worden sein vnd gelten sch*vln, zwayvnddreizzich pfvnt Regenspurger pfenning, die si vns berait gelihen habent, durch irr trewen willen a*uf dev vorgenanten g*ut, bes*ucht vnd vnbesucht, mit der beschaiden, daz si dev vorgenanten g*ut sch*vln inne haben mit allem nvtz, bes*ucht vnd vnbes*ucht, vntz daz si irr vorgeschriben pfenning gar vnd ga'ntzleichen davon verrichtt vnd gewert werden an allen iren schaden vnd gepresten, vnd swez wir in avch noch mer schuldich werden, do si vns mit geholffen sint oder noch helffent vnd avch f/ur vns porg worden sint oder noch werdent, swaz dez wirt an geva'r, daz si gesagen vnd beraitten m/vgen von iren trewen an alle peredvng, daz sch/vln si avch a/vf den vorgenanten g*uten haben, bes*ucht vnd vnbes*ucht, in allem dem rechten als vor verschriben ist, als wir in daz vnuerschaidenlichen z*veinander gelobt haben pei vnsern tre/wen an geva'r. Vnd swanne auch her Friderich der Lengvelda'r, sein havsfra*we vnd ir eriben irr pfenning niht lenger haben wolten a*vf den vorgenanten g*uten vnd der niht lenger peiten m/ochten noch enwolten, swaz der wirt, so habent si vollen gewalt, der vorgenanten g*ut, ainez swelhes si wellent, ze verchavffen oder ze versetzzen, swem si wellent; vnd irr pfenning davon ze besch/omen, swie si m/vgen, daz wir sev daran mit nihttev engen noch irren sch/uln noch enm/vgen, chlain noch groz noch anders niemant von vnsern wegen, vnd swaz in an demselben g*ut abget, daz sch/vln si avf den andern vorgenanten zwain g*uten haben bes*ucht, vnbesucht als wir in daz gelobt haben pei vnsern tre*wen. Wir veriehen avch offenbar, swer den gagenwarttigen br/if von iren wegen inne hat vnd f*vrpringet, daz der hincz vns vnd hincz den vorgenanten guten ellev dev recht hat vnd haben schol, die vmb allez daz vorgeschriben gelt, herm Friderichen dem Lengvelda'r, seiner havsfra*wen vnd iren eriben vor an dem br/if sint verschriben. Daz in daz also sta't vnd vnzerbrochen beleib, dar/vber ze einem vrchunde vnd ze einer besta'tichait gib ich in, der vorgenant Ch/vnrat von Hayda*we, disen br/if versigelten mit meinem insigel vnd dar/vnder verpint ich mich Agnes, sein havsfra*we, pei meinen trewen vnuerschaidenlichen vnd ga'ntzleichen allez daz ze laisten vnd ze volf/vren vnd sta't ze pehalten swaz vor an dem br/if stet geschriben, als ich in daz gelobt han mit der hant. Dez sint zevg: her Ch*vnrat der Lengvelda'r, her Albrecht der Wayter, her La/vtwein der S/vzze, her Chvnrat der Hiltprant, her Friderich der Hiltprant, her Ch*vnrat der Wakcher vnd her Albrecht der Hiltprant vnd ander erweriger lo/vt ein michel tail. Daz ist geschehen, do von Christes gep/vrtt waren drevczehen h*vndert jar vnd in dem dreizzigistem jar an sand Jacobsabent dez heiligen zwelifpoten.